影片
更多
2008-07-24
22 瀏覽
自問晚飯來說地盤工人好少會去食包因為總覺得一日最後一餐應該食得正經一點﹗(唔知邊弗正經過............)不過今晚既飯卻去食左個漢堡包快餐﹗是晚收工試到近期0係OPENRICE好出名的TRIPLE-O﹗行到埋COUNTER買包，見個餐牌全部都係英文，盲字都唔識多個既我一睇就知HIGH卡野啦﹗睇番個價錢仲勁，最平一個餐都要$55蚊，最貴的去到接近$70，食開cheap野的我見到即時想掉轉個頭走﹗不過既然來到就一於一試啦﹗於是點左一個Mushroom Combo同埋加多個Original Burger﹗埋到去買啦﹗個收銀姐姐問我地加唔加芝士同埋洋蔥，貪心的我見佢問得就當然加啦﹗兩個包都加哂，點知睇番張單原來加呢兩樣野每次要加$15的呀﹗嘩........足足多左$30﹗等左一陣就有人送個餐埋來喇﹗$126兩個包加薯條再多杯野飲﹗真係好貴呢﹗薯條是粗身的﹗岩岩炸起熱辣辣，口感一流﹗好味道﹗我的Original Burger，確是十分大個﹗麵包是烘過的，個面很脆﹗咬落入面0的醬汁唧哂出來，成手成面成鼻都係﹗十分論盡﹗塊牛肉真係超級多肉汁，夠厚夠軟好有牛香﹔大量既洋蔥令個包食落變得十分惹
是晚收工試到近期0係OPENRICE好出名的TRIPLE-O﹗
行到埋COUNTER買包，見個餐牌全部都係英文，盲字都唔識多個既我一睇就知HIGH卡野啦﹗
睇番個價錢仲勁，最平一個餐都要$55蚊，最貴的去到接近$70，食開cheap野的我見到即時想掉轉個頭走﹗不過既然來到就一於一試啦﹗
於是點左一個Mushroom Combo同埋加多個Original Burger﹗
埋到去買啦﹗個收銀姐姐問我地加唔加芝士同埋洋蔥，貪心的我見佢問得就當然加啦﹗兩個包都加哂，點知睇番張單原來加呢兩樣野每次要加$15的呀﹗嘩........足足多左$30﹗
等左一陣就有人送個餐埋來喇﹗$126兩個包加薯條再多杯野飲﹗真係好貴呢﹗
薯條是粗身的﹗
岩岩炸起熱辣辣，口感一流﹗好味道﹗
我的Original Burger，確是十分大個﹗
麵包是烘過的，個面很脆﹗咬落入面0的醬汁唧哂出來，成手成面成鼻都係﹗十分論盡﹗
塊牛肉真係超級多肉汁，夠厚夠軟好有牛香﹔大量既洋蔥令個包食落變得十分惹味﹗加埋芝士配搭確係一流﹗好味道﹗
工友的Mushroom Burger入面0的醬汁就更加creamy，其中一層0的磨菇同埋0的醬真係多到一打開就滿瀉﹗呢個包唔洗加芝士我覺得都已經好足夠﹗因加左等如無加，磨菇醬已經搶哂0的香味﹗
貴就係貴0的﹗不過真係一分錢一分貨，人一世物一世點都要試下﹗(不過其實都係好貴﹗)
只係睇件漢堡扒個口感已經同麥記0個0的薄過紙的真係無得比，我同工友都覺得個肉汁對比Mos Burger更有過之而無不及﹗
食完真係唔係講笑﹗過左成三四個鐘都仲係好滯好飽，建議學我地一個餐一個包share已經夠皮，如果食多個薯條可能要食保濟丸﹗
張貼
