影片
更多
2018-10-24
2275 瀏覽
之前同朋友試過尖沙咀果間Butchers Club Burger，已經覺得幾好食，今日行灣仔經過，點可以唔再去食呢。舖頭唔算大，一入門口高見到一張長嘅高枱，兩邊各有一排高枱向住街，開住大大嘅窗，依家秋涼，坐喺果度感覺都幾舒服。一打開menu，有唔同嘅burger，已經流晒口水喇，有牛，豬，雞，魚，樣樣都想食。經過一輪掙扎之後，我決定食個雞不可失，再配個幼薯條，再加個Bless橙汁。我揀咗個望住open kitchen嘅位置，一落order就睇住個burger嘅誕生，先係將包放上鐵板度加熱，之後就到厚厚嘅雞排，加上麵漿去炸。等到雞排炸好，廚師將雞排放入red hot辣汁裡面，讓整塊雞排沾滿醬汁之後，就將burger組合喇！先放生菜，再加兩片酸瓜同紫洋蔥，然後放上預備好嘅雞排，最近放上blue cheese醬，雞不可失漢堡就完成喇！成個set嘅賣相非常吸引，有新鮮製成嘅burger，仲有即炸薯條，放到好似傾瀉出黎咁，睇到都胃口大增！雖然話係幼薯條，其實一d都唔幼，係我好鐘意嘅粗薯條，薯味十足，外脆內軟，咩都唔點都好食！漢堡就更加唔洗講啦，個包係微脆，咬落去係有卡擦嘅聲效架！食落有少少辣，仲
舖頭唔算大，一入門口高見到一張長嘅高枱，兩邊各有一排高枱向住街，開住大大嘅窗，依家秋涼，坐喺果度感覺都幾舒服。
一打開menu，有唔同嘅burger，已經流晒口水喇，有牛，豬，雞，魚，樣樣都想食。經過一輪掙扎之後，我決定食個雞不可失，再配個幼薯條，再加個Bless橙汁。
我揀咗個望住open kitchen嘅位置，一落order就睇住個burger嘅誕生，先係將包放上鐵板度加熱，之後就到厚厚嘅雞排，加上麵漿去炸。等到雞排炸好，廚師將雞排放入red hot辣汁裡面，讓整塊雞排沾滿醬汁之後，就將burger組合喇！先放生菜，再加兩片酸瓜同紫洋蔥，然後放上預備好嘅雞排，最近放上blue cheese醬，雞不可失漢堡就完成喇！
成個set嘅賣相非常吸引，有新鮮製成嘅burger，仲有即炸薯條，放到好似傾瀉出黎咁，睇到都胃口大增！雖然話係幼薯條，其實一d都唔幼，係我好鐘意嘅粗薯條，薯味十足，外脆內軟，咩都唔點都好食！漢堡就更加唔洗講啦，個包係微脆，咬落去係有卡擦嘅聲效架！食落有少少辣，仲帶有blue cheese味道，個blue cheese醬唔會太濃，啱啱好，同red hot sauce好夾，越食越開胃。
我竟然食吓食吓，將所有野清晒！飲埋個Bless橙汁，真係好滿足呀！
張貼
