茶咖里

茶咖里藏身西營盤一條靜巷尾，係無意中喺Google Map發現嘅小店，感覺幾有特色，啱晒我哋啲一邊想食茶餐廳經典、一邊想歎返杯靚咖啡嘅人，所以就決定去試吓。


今次叫咗叉燒通粉常餐，忌廉湯底濃郁滑順，炒蛋夠香，火腿厚多士份量足夠，但叉燒就有啲乾同鞋，有啲失色。加錢升級嘅意式咖啡用公雞碗呈上，好有趣，不過拉花完全睇唔出拉咩，味道一般，感覺似咖啡機出品。

叉燒通粉常餐

榛子咖啡

另一款炒蛋餐肉菠蘿包，外脆內軟，炒蛋鋪滿包包，好豐富，但餐肉得半塊略為失望。港式咖啡味道平衡，係茶餐廳嘅高水準。

餐肉炒蛋菠蘿包

咖啡

整體嚟講，茶咖里係一間用心結合港式同西式元素嘅小店，希望食物質素可以再進一步提升！