花粉熱

營業中

休息中

約了朋友晚飯，係附近等佢放工，所以找咗間CAFE來HEA下！我去到時太約五點三丶四左右，見到staff已經洗緊地、執緊野，以為就關門！點知其中一個店員主動走過來幫我落order，於是我叫了一杯巴拿馬手冲咖啡！店員還叫我坐低等，轉頭攞過來給我！這時和這位店員也沒有什麼問題！我剛坐下就見到另一店員準備冲咖啡，之後我低咗個頭望電話，突然間聽到澎一聲嚇咗我一跳，原來係個咖啡師攞咗D咖啡粉過來放咗係枱面，叫我聞下個香氣，咁我聞左一下就俾返個店員，佢就攞返埋位沖。隔咗一陣我又突然間聽到澎一聲，今次唔知佢做咩，跟住就見佢開始冲杯咖啡喇！當時我心諗如果嫌我阻住你收工，就唔好俾我落order。但之後我又見到又其他客人入嚟，又有叫飲品，即係未有咁早關門啦！講返我杯咖啡，佢沖完放低左杯咖啡講咗聲多謝之後就走開左啦！首先杯咖啡唔算得上熱，只係屬於溫暖。之後我飲左一啖，只係得苦、澀嘅味道，一點甘味都冇。之後我加左一兩分鐘再試多一次，依然都只係得苦澀味！所以最後我只係飲咗一小杯，因為跟本就飲唔落口。其實呢間cafe環境唔錯，坐落都好舒服，不過咖啡嘅味道就強差人意啦！而且個別店員嘅態度亦都好有問題！仲要收$65一杯