影片
更多
2022-10-16
430 瀏覽
之前中午已經去過「川婆婆」食晏，呢晚放工即興同同事嚟食晚餐。估唔到餐廳人氣咁高👏，全場爆滿，我哋要轉入去先有位坐，其實空間仲闊落，但就無咁易搵到店員協助，不過佢哋好友善的☺️。餐廳晚市做緊100分鐘火鍋放題💯，特別之處在於可以邊食韓燒、邊打邊爐，一個價錢可享兩種滋味️。以任食嚟講，佢價錢唔貴，分三個價位：A餐$338、B餐$298同C餐$268，我哋就食咗B餐［新鮮農場靚牛串串套餐］。基本上全部食材都係喺雪櫃自取，但就咁睇我唔係好分得出邊啲係燒烤或放湯🙈，好彩有店員姐姐教路。另外，飲品亦係任飲，有枝裝汽水。鍋底係鴛鴦雙拼鍋🍲(+$30)，我哋揀咗茶底麻辣鍋配養生菌王雞湯。店員問我要乜茶底嘅時候，我以為聽錯，因為對茶底火鍋聞所未聞。🍵茶包喺高山紅茶、普洱同菊花茶之中三選一，我要咗菊花🌼，有清熱嘅作用，但老實講味道唔突出，不過確係能將辣度降低，同時保留咗麻辣湯嘅麻香🌶。另一邊湯頭記得要襯熱飲啖先，🍄菇菌味好濃郁，再加埋🐔鮮雞同蟲草花一齊煲，味道清甜。套餐本身包一碟牛🥩，份量正常啦，但對於牛魔王嘅我哋又邊夠喉吖！所以追加咗多一碟。我哋要咗牛頸脊同牛小排，兩樣質素都唔差，肥瘦厚薄適中，牛味算強🐮。
之前中午已經去過「川婆婆」食晏，呢晚放工即興同同事嚟食晚餐。估唔到餐廳人氣咁高👏，全場爆滿，我哋要轉入去先有位坐，其實空間仲闊落，但就無咁易搵到店員協助，不過佢哋好友善的☺️。
餐廳晚市做緊100分鐘火鍋放題💯，特別之處在於可以邊食韓燒、邊打邊爐，一個價錢可享兩種滋味️。以任食嚟講，佢價錢唔貴，分三個價位：A餐$338、B餐$298同C餐$268，我哋就食咗B餐［新鮮農場靚牛串串套餐］。
基本上全部食材都係喺雪櫃自取，但就咁睇我唔係好分得出邊啲係燒烤或放湯🙈，好彩有店員姐姐教路。另外，飲品亦係任飲，有枝裝汽水。
鍋底係鴛鴦雙拼鍋🍲(+$30)，我哋揀咗茶底麻辣鍋配養生菌王雞湯。店員問我要乜茶底嘅時候，我以為聽錯，因為對茶底火鍋聞所未聞。🍵茶包喺高山紅茶、普洱同菊花茶之中三選一，我要咗菊花🌼，有清熱嘅作用，但老實講味道唔突出，不過確係能將辣度降低，同時保留咗麻辣湯嘅麻香🌶。另一邊湯頭記得要襯熱飲啖先，🍄菇菌味好濃郁，再加埋🐔鮮雞同蟲草花一齊煲，味道清甜。
套餐本身包一碟牛🥩，份量正常啦，但對於牛魔王嘅我哋又邊夠喉吖！所以追加咗多一碟。我哋要咗牛頸脊同牛小排，兩樣質素都唔差，肥瘦厚薄適中，牛味算強🐮。
串串香係餐廳嘅招牌之一🍢，一啖一件好過癮。肉類嗰啲有唔少經過滷製，所以唔使沾醬已經夠晒味。
時令海鮮盤賣相一般，所以不抱太大期望，點知食落有驚喜喎😳。每一樣海產均好鮮味，而且份量足，無得添加都不成問題。海鮮款式包括大蝦🦐、鮑魚、蟶子同蜆等，蝦肉彈牙、鮑魚唔韌，貝類肥美。
其他普通火鍋配料亦一應俱全，有多種蔬菜🥦、丸類、豆製品同麵食等。我個人最推介寬薯粉，淥至透明後，口感煙韌Q彈。
講完打邊爐，就輪到燒烤🔥，爐面放上一張油紙，就算燒燶都唔怕癡底。店員介紹有幾款食材係燒烤專用，包括🦑魷魚、雞翼、肥牛、羊肉同雞軟骨等。另外，漢堡扒亦都好適合拎去燒，惹味之選。
不過講到我最鍾意嘅食物，非雞軟骨莫屬🍖，雞軟骨燒至脆卜卜，無論外層定內在都一樣香口，而且仲輕輕醃上辣味，勁正。今晚堅係食到夠本，呢種整法係我食過最好食😋。
總括嚟講，三心兩意又為食嘅你嚟川婆婆就啱晒，佢價錢合理，並可以同時滿足你兩個願望✌️。但有一個挑剔嘅地方就係抽風麻麻，食完避免個身唔到一浸味，不過冷氣充足又搭救返。
張貼
