影片
更多
2015-06-10
366 瀏覽
喊面篇寫到第三篇, 龍鳳要出場了!龍鳳---久仰佢大名以為它在大坑打穩了陣腳才開過來鰂魚涌, 以為! 誰不知去了幾次都是叫人失望, 而且現在只要有人又再提議去吃龍鳳Lunch, 一定臨時有同事A或是同事B會藉口說來不到, 發生了幾次, 大家知咩事, 近來已經無人再叫去了!第一次時印象是不錯的, 因為"新S坑, 三日香"...我還加了$15元轉特飲菠蘿冰, 杯冰賣相氹得吓人, 第一次食炭燒肉鬆雞扒意粉, 新奇呀o麻, 都仲可評為OK! 迫就迫啲, '將就吓啦'....再去多幾次就無新鮮感咩都打回原形, 首先門口阿姐木口木面, 間中仲整個黑口黑面的當值, 見大部份客人其實都相當合作, 齊人先攞籌, 門口又簷蓬都無個遮吓雨擋吓太陽, 妳就對啲客好啲, 扮吓嘢同客人吹吓水又或者唔啋人唔想搭訕都要歡容少少啩, 猩爺都教'洪爺'做茄呢啡都要專業啲, 唔好擺出副"你最好唔入嚟我唔駛做"的姿態得唔得? 真係請著妳哋就大吉大利喇!講完門口嗰關, 假設大家都唔介意, 鰂魚涌區無咩好食"我哋呢班打工仔", 大家都慣了嘅心態, 入到店, 手踭撞手踭都算喇, (容許我粗俗啲因為係事實) --- 大部份位屁
龍鳳---久仰佢大名以為它在大坑打穩了陣腳才開過來鰂魚涌, 以為! 誰不知去了幾次都是叫人失望, 而且現在只要有人又再提議去吃龍鳳Lunch, 一定臨時有同事A或是同事B會藉口說來不到, 發生了幾次, 大家知咩事, 近來已經無人再叫去了!
第一次時印象是不錯的, 因為"新S坑, 三日香"...我還加了$15元轉特飲菠蘿冰, 杯冰賣相氹得吓人, 第一次食炭燒肉鬆雞扒意粉, 新奇呀o麻, 都仲可評為OK! 迫就迫啲, '將就吓啦'....再去多幾次就無新鮮感咩都打回原形, 首先門口阿姐木口木面, 間中仲整個黑口黑面的當值, 見大部份客人其實都相當合作, 齊人先攞籌, 門口又簷蓬都無個遮吓雨擋吓太陽, 妳就對啲客好啲, 扮吓嘢同客人吹吓水又或者唔啋人唔想搭訕都要歡容少少啩, 猩爺都教'洪爺'做茄呢啡都要專業啲, 唔好擺出副"你最好唔入嚟我唔駛做"的姿態得唔得? 真係請著妳哋就大吉大利喇!
講完門口嗰關, 假設大家都唔介意, 鰂魚涌區無咩好食"我哋呢班打工仔", 大家都慣了[做食客係要受氣, 趕頭趕命事但啦志在搵啖食啫]嘅心態, 入到店, 手踭撞手踭都算喇, (容許我粗俗啲因為係事實) --- 大部份位屁股仲要貼屁股? 只有某啲位係可以'倖免於難'睇你有幾好彩喇! 駛唔駛迫成咁??? 喂~依家係講緊入親去食都至少俾緊52蚊一位, 食完又唔駛旨意坐吓吹吓水要即走我哋鰂魚涌區打工仔都好知定好合作, 我唔知你條數點計要做幾多個客至為到'皮'再做多幾多個客就有錢賺! 不如你再貴多幾蚊, 俾番個專嚴俾大家個屁股! 其實我真係覺得佢係特登咁排位嘅, 等你哋盡量一食完就走, 得啦, 大家明白, 合作啲, 唔好打攪人哋喇, 既然係咁, 過主把啦!
嗱, 寫完以上, 如果大家都仲係要做奴隸獸覺得無所謂, 你屁股要專嚴我就底線set得好低, 係都要幫趁的話, 我就向大家推荐吓有咩好嘢食啦~ 首先, 睇睇餐牌先...叫個主打的炭燒肉鬆雞扒意粉, 應該唔會差啩...
其實呢, 意粉底唔知點形容, 總之唔好食, 好奇怪...pat蛋唔好食, 成個餐嘅感覺係油膩、重味, 臨上碟睇住佢水吧唧一大篤蜜糖然後出餐, 唔係重口味就代表好味呀喂~
炭燒肉鬆雞扒意粉餐
$52
60 瀏覽
0 讚好
0 留言
滑蛋(玻璃)蝦球飯
52 瀏覽
0 讚好
0 留言
48 瀏覽
0 讚好
0 留言
餐飲轉'特飲', 加15元 (單賣要$38)
44 瀏覽
0 讚好
0 留言
張貼
