影片
更多
2011-05-20
2 瀏覽
因為團購既關係第一次黎呢間食野, 但絕對唔會再黎!!食物麻麻之餘, 服務態度仲要極差!!先講服務態度, 我地一行8人(連一個未夠2歲小朋友)入到去, 坐低左起碼7~8分鐘連一杯水/茶都冇!!咁都算喇, 到d食物黎到, 個侍應係唔會將d食物放係枱面俾你的, 係就咁企係第一張枱既位置遞俾你, 要你自己續碟續碟遞去其他枱(我地8個人佔左4張枱), 但其他枱既位置根本就冇野阻住佢行過去去放低的!如果個侍應既態度好d, 或者講句麻煩遞一遞都冇咁嬲, 但佢就係唔出聲就咁企係度, 一副 "你接就接, 唔接我就繼續企係度遞到你接為止" 既態度!而事實證明, 個侍應亦都真係咁!! 我地試過唔接, 佢就一直企係度遞到我地有人出手接為止!!成餐飯冇侍應會主動黎斟水都算, 叫到人黎斟水都係斟左一半就走左去!再到飲品上枱時又係咁, 今次仲要係個高級少少既侍應黎上飲品,又係就咁放晒係第一張枱就算, 明明根本第一張枱都已經冇位放, 佢就企係度等你自己將d碟碟碗碗移開晒, 或者將d飲品遞左去其他枱佢先繼續放低!而且坐第一張枱個個人仲手抱住個小朋友, 根本就冇手遞!! 同埋如果個小朋友手快又手多, 陣間一手掃晒落地咁點
食物麻麻之餘, 服務態度仲要極差!!
先講服務態度, 我地一行8人(連一個未夠2歲小朋友)入到去, 坐低左起碼7~8分鐘連一杯水/茶都冇!!
咁都算喇, 到d食物黎到, 個侍應係唔會將d食物放係枱面俾你的,
係就咁企係第一張枱既位置遞俾你, 要你自己續碟續碟遞去其他枱(我地8個人佔左4張枱),
但其他枱既位置根本就冇野阻住佢行過去去放低的!
如果個侍應既態度好d, 或者講句麻煩遞一遞都冇咁嬲,
但佢就係唔出聲就咁企係度, 一副 "你接就接, 唔接我就繼續企係度遞到你接為止" 既態度!
而事實證明, 個侍應亦都真係咁!! 我地試過唔接, 佢就一直企係度遞到我地有人出手接為止!!
成餐飯冇侍應會主動黎斟水都算, 叫到人黎斟水都係斟左一半就走左去!
再到飲品上枱時又係咁, 今次仲要係個高級少少既侍應黎上飲品,
又係就咁放晒係第一張枱就算, 明明根本第一張枱都已經冇位放,
佢就企係度等你自己將d碟碟碗碗移開晒, 或者將d飲品遞左去其他枱佢先繼續放低!
而且坐第一張枱個個人仲手抱住個小朋友, 根本就冇手遞!! 同埋如果個小朋友手快又手多, 陣間一手掃晒落地咁點?!!
完全唔明點解佢唔可以行去其他枱將d飲品放低!!
再講d食物, 我地團購既餐係叫 <東京部屋和式x環球特盛晚餐，一人一份>
但除左個凱撒黑魚籽帶子壽司係真係一人一份(碟)咁上之外,
其他就好似將同類既野放係一個大碟, 求求其其咁上碟就算, 連少少既擺盤都冇,
似係8個人食緊一個菜, 而唔係所謂既一人一份囉!
完全同團購個網影出黎既相根本係兩回事!!
勁量和式x環球特盛晚餐包括：
1) 挪威三文魚刺身 (三件) <---- 又薄又細件!!
2) 凱撒黑魚籽帶子壽司(三件) <--- 呢個ok
3) 鹽燒美式雞中翼(兩隻) <--- 完全冇味道既雞翼
4) 香草烤紐西蘭羊排 <--- 本人唔食羊, 所以我剩係聞到陣味好騷, 但其他人話呢個幾好味
美國安格斯黑椒牛柳粒 <---- 又老又韌!!
5) 鹽燒巴西牛舌 (一串) <--- 本人已經好鐘意食咸野既人, 但佢咸到連我都頂唔順!!!
6) 越式雜錦天婦羅 (兩件大蝦天婦羅、一件茄子天婦羅、一件南瓜天婦羅、一件香菇天婦羅) <--- 個炸粉炸太好差, 太厚又多粉
7) 鮮味海膽炒飯(一碗) <---- 個件海膽幾新鮮, 但個炒飯完全冇味道
8) 味噌湯(一碗) <--- 冇飲到
9) 特式飲品(蘋果綠茶/ 蜜桃紅茶/ 菠蘿特飲) <--- 本來叫1蘋/3蜜/4菠, 但叫完個侍應先再走返黎話冇菠蘿, 就咁改晒蜜桃啦, 但飲飲下先發現, 杯野根本就唔係蜜桃, 而係荔枝, 仲要一d有果粒, 一d冇!!
呢間野, 真係請我免費黎食我都唔會再黎!!!
張貼