新源粉麵飯茶餐廳 (已結業)

今日睇醫生又未夠鐘所以入左呢間茶餐廳，入到去叫左碗魚旦河同粟米豬扒飯加熱華田及凍檸茶，點知落單時話今日星期六無餐飲，所以全部正價！算啦！望下張單，百二蚊！估唔到食個咁既野都要食百二蚊，平時係對面海食都無咁貴！既然落左單，都要食架啦，杯華田有華田色無華田味，魚旦難食，河粉仲要未「林」的！當我食到大半時仲比我見到有條銀色好似膠咁既野痴住條河粉！我已經放棄成碗粉！環境呢，啲位好窄，周圍都內地人埋單時有枱三個人居然食左三百幾蚊！之後仲同收銀理論...總之我無野食都唔會再入呢間野！