韓堡 (已結業)

住係梨木樹想食返啲好野真係冇乜選擇 黎黎去去都係個幾間 咁岩今晚諗唔到食啲咩 就碌下熊貓有咩好食 之前都叫過呢間既漢堡包同熱狗 味道都叫做正正常常 幾好味 一㩒入去 原來佢多左啲新野 係韓堡精選晚餐 有三個選擇 有西冷 燒春雞同埋豬鞍 全部都係跟薯菜 價錢仲要好平 見咁平真係好想試下 但咁平佢既質素會唔會好差呢 宜家仲要全單滿$120蚊有七折 呢個優惠真係好抵 咁就即刻叫兩份同屋企人一齊試下啦 我地大約夜晚九點鐘落單 大約二十分鐘左右 速遞員已經將個外賣送左黎 送到黎熱辣辣 唔會話凍晒 個賣相仲要唔錯 同出面既西餐廳冇分別 望落幾高質 兩個主菜都有薯條 係粗薯條 份量都唔少 炸到金黃色 好香脆 仲有少少配菜 係西蘭菜同埋紅蘿蔔 先講講慢煮紐西蘭西冷 大大塊 幾厚身 食落好淋身 完全唔會話好韌 燒汁食落冇乜味 不過點唔點都冇乜所謂 另外 蘋果燒汁慢煮豬鞍架 個豬鞍絕對係同出面既西餐廳既豬鞍一模一樣 都係大大塊 好厚身 不過食落去就有少鞋身 冇肉汁 唔夠juice 不過都算係唔係唔錯 另外仲加左意粉 佢係用蒜片炒 份量都唔少 炒得好香口 好香蒜味 整體黎講 食物唔錯 幾好食 味道正常 價錢