德克士 (已結業)

德克士第二分店係灣仔落腳，終於抽到時間嚟幫襯!試過幫襯過一次北角店，水準唔差，雖然講唔上一流, 但其他果D什麼老麥雞密蜂雞家鄉雞質素實在太差劣完全唔掂檔，又鹹又少偷工減料! 結果炸雞質素同德克士拉開更大距離!今日女友小熊同我一齊係灣仔收工，於是一齊落去灣仔店開餐! 北角店被人話雞又凍等餐耐，又睇睇灣仔店有無哩個問題.同北角店一樣，哩間灣仔店舖細細面積唔算大!點咗兩個脆皮雞腿堡，一份脆皮手槍腿餐，脆皮炸雞腿.優點:1, 灣仔店冷氣足.2, 唔洗等，即點即有!3, 所有炸肥香脆肉嫩，雖然係油炸，食落無油膩感，唔會話成口油.4, 份量足無偷工減料哩點最欣賞! 而且價錢親民唔算貴.缺點:1, 極速上餐即係D雞炸好哂啦! 攪到D雞唔係熱，係微暖.2, 飲品選擇唔多.3, 最反感係有件著黑色衫九成似係高層嘅物体，捉住D員工左訓話右指點，喂! 你咪阻Q住D員工做嘢啦! 員工作戰緊你就係到巴巴嘈！收爐先教啦唔該! 所以服務俾最低分!即時負評！