影片
更多
2022-07-23
34 瀏覽
金凱小廚📍大圍美田路30號美林邨熟食亭1-4號舖🥘食物我哋嗌咗$198嘅餐，一個價錢就食到串燒、雞煲、火鍋，我覺得幾抵下！另外飲品都係任飲嘅，選擇都幾多，有啲特別啲嘅例如清涼爽、馬蹄爽都有，唔錯！🍢串燒串燒有肉類、海鮮、丸類、蔬菜類，限一人三串，而我哋就嗌咗海鮮同肉類，重點想推薦下蜜糖雞中翼，甜甜地，燒得勁嫩勁多汁，好正！海鮮方面，我就推薦芝士焗扇貝，佢哋呢度扇貝幾新鮮，唔會腥，都幾大粒，同芝士好夾，好香！🐔雞煲我極鍾意呢個雞煲！我哋因為有人不太識食辣，所以我哋嗌咗小辣，但係對佢哋嚟講都好辣，所以建議同行有人唔食得辣嘅就嗌唔辣啦🤣至於我，當然就食得好爽，雞件好嫩唔會老，花椒又夠麻，而且份量都幾多下，幾唔錯！👍🥘火鍋幾值得讚嘅係，呢度嘅火鍋唔係食完雞煲加水，而係另外一個湯底，我哋嗌咗花膠雞湯，湯飄住啲枸杞、蟲草花，仲有幾舊幾大嘅花膠，幾真材實料，而且飲咗一啲都唔涸喉，幾清甜，推薦！配料方面，呢度都幾多選擇，一般火鍋放題嘅配料都有齊，肉類我推薦酒釀雞件同牛板腱，前者好重花雕味，好入味，後者牛味勁重，油脂分佈得幾均勻，而且嚟多幾碟，質素都唔會下降，好正！仲有鵝腸，緊記絕對唔可以淥得耐，淥幾秒
📍大圍美田路30號美林邨熟食亭1-4號舖
🥘食物
我哋嗌咗$198嘅餐，一個價錢就食到串燒、雞煲、火鍋，我覺得幾抵下！另外飲品都係任飲嘅，選擇都幾多，有啲特別啲嘅例如清涼爽、馬蹄爽都有，唔錯！
🍢串燒
串燒有肉類、海鮮、丸類、蔬菜類，限一人三串，而我哋就嗌咗海鮮同肉類，重點想推薦下蜜糖雞中翼，甜甜地，燒得勁嫩勁多汁，好正！海鮮方面，我就推薦芝士焗扇貝，佢哋呢度扇貝幾新鮮，唔會腥，都幾大粒，同芝士好夾，好香！
🐔雞煲
我極鍾意呢個雞煲！我哋因為有人不太識食辣，所以我哋嗌咗小辣，但係對佢哋嚟講都好辣，所以建議同行有人唔食得辣嘅就嗌唔辣啦🤣至於我，當然就食得好爽，雞件好嫩唔會老，花椒又夠麻，而且份量都幾多下，幾唔錯！👍
🥘火鍋
幾值得讚嘅係，呢度嘅火鍋唔係食完雞煲加水，而係另外一個湯底，我哋嗌咗花膠雞湯，湯飄住啲枸杞、蟲草花，仲有幾舊幾大嘅花膠，幾真材實料，而且飲咗一啲都唔涸喉，幾清甜，推薦！
配料方面，呢度都幾多選擇，一般火鍋放題嘅配料都有齊，肉類我推薦酒釀雞件同牛板腱，前者好重花雕味，好入味，後者牛味勁重，油脂分佈得幾均勻，而且嚟多幾碟，質素都唔會下降，好正！
仲有鵝腸，緊記絕對唔可以淥得耐，淥幾秒撈起，極爽脆有咬口，好正，而且佢洗得好乾淨，唔會有奇怪嘅內臟味，幾正！
牛筋丸都係另一個令人印象深刻嘅配料，好多汁，好彈牙
仲有鯇魚片，我雖然唔食魚啦，但係我frd話呢度嘅鯇魚片一啲都唔腥，好滑，幾高質
推薦度：😋😋😋😋😋
張貼
