駟馬拖車潮州飯店 (MOSTown新港城中心(4期)) (已結業)

一個人都可以😌飲茶，在馬鞍山新港城中心，有間駟馬拖車潮州飯店，佢係有點心食，我好肚餓叫左幾樣野。1）鮑魚棉花雞😜(好豪咁)頂點39蚊當然真係有鮑魚，唔係菠蘿包冇菠蘿🤣嗰種，佢嘅棉花（魚肚）都好大舊，蒸得好淋，咁大件雞肉都好滑，好味。2)竹笙上素腸，大點32蚊，我自己就鐘意食素腸，覺得清清地，佢嘅粉皮唔厚，食落口感係煙煙韌韌，入面係東菇絲、木耳絲、紅蘿蔔絲，唔錯。3)蠔仔肉碎粥，42蚊，蠔仔算大粒，加埋肉碎和東菇絲，重有不可或缺芫荽蔥，好食。🔔大家留意🔔放在枱上面嘅前菜，係要16蚊一碟(可以同員工講拿走)慳返啲錢食點心重好😜，中國茗茶12蚊一位。呢間都好有水準，我下次會黎食過。