星願 居酒屋 (已結業)

星期六放假想抖抖，只想自己一個人食餐好，去左屋企附近既一間日本居酒屋，星願居酒屋餐廳環境闊落又舒適，食物都好好食，我隔中都會食下。今日我自己一個人再黎食下，忍不住點左好多！😅有鹽燒鹿兒島一口牛，七味粉鹽燒雞軟骨，鹽燒雞皮串，鹽燒雞皮墨魚滑卷，泰式錫紙包蜆，再加左支Peach酒。😆呢間既串燒真係好大件又好好食，調味又夠味。😙最正係雞皮串同雞軟骨，食落好脆卜卜，又唔油膩！👍🏻😆鹿兒島一口牛都好嫩，只落鹽都已經好好食！一啖雞軟骨一啖Peach酒，感覺所有工作既壓力都冇曬，又係新嘅開始。☺️