雲桂香米線專門店

營業中

休息中

今晚自己一個人食，又好想食米線，就黎左出名既雲貴香大食特食。店員既服務態度好好，好有耐性，d坐座坐得又舒服，於是我決定叫豐富d慢慢食，享受下呢個雲南風味。我叫左個雲桂米線60蚊（微辣），超大碗超多配料，有雲耳，大大隻既冬菇，調好哂味既腩肉，炸魚肉卷，差唔多全部都係頂級既水準，味道真係好好，特別係個湯底，唔會太辣，酸酸甜甜咁好開胃。另外我加左墨魚咀（16蚊），好新鮮又大份，好抵食。叫左個小食 秘整燒豬頸肉（42蚊），好新鮮多準，完全唔會硬哂咁好彈牙，超級推薦！