生記菜館

收工經開廟街，就自自然然諗起廟街煲仔飯。平日食開另外果幾間較多人去既煲仔飯，反面會想試下第二間換下口味。雖然天氣有d熱，坐喺街邊食都係有種唔可以取代既香港風味。

一個人食好易搵位，滑雞煲仔飯加蛋，好滿足。滑雞非常入味，不過斬骨斬得有D碎，所以成日咬到骨。
但總體黎講都比同一條街其他煲仔飯好食。

滑雞煲仔飯

不得不提佢個煲仔飯豉油係比同一條街其他果幾間好食，係門面比較細間D，但野食黎講都係生記最好食，而且唔會太over-rate左，啊姐服務好好，見我一條友食飯走過黎同我傾計。