冬蔭公公 (已結業)

一個人的晚餐，難得呢邊有泰國嘢食，上網睇到好似係車仔面咁既形式，走黎食下，好多配料送菜選擇，好肚餓既我，咩都想食，叫左五個送，我都覺得有點誇張，有炸雞翼，魚片頭，魚皮餃，鮮冬菇，生菜，魚片頭好彈牙，魚皮餃一點都不腥，炸雞翼剛剛好，好香，好惹味。我叫左清湯底，清清甜甜都幾不錯。天氣寒冷，當然要飲反啲熱飲，叫左杯黑糖薑茶，好溫暖，勁薑，夠甜，凍天飲真的係不錯選擇。另外仲叫了一串小食，燒龍蝦丸，燒物就麻麻地了，不是太香口，好快就凍了，咬落帶點硬，下次可以叫其他食下。