韓登 (已結業)

今天奇露比工作完畢，本想去DAZZLING CAFE朝聖，奈何平曰2點仍然有勁多人排隊，遊人如鯽。單人匹馬去食，都要等六十幾個位。因為實在太餓，奇露比惟有放棄機會，試下其他美食。因很久無食過韓國菜，故去了韓登試一試。可能因為過左午飯時間，店內唔係好多人。一坐低，就點了今天的LUNCH SPECIAL，由$110減到$80，但就唔記得影MENU。叫餐時，侍應應該唔係本地人，所以唔識聽廣東話，要用英文溝通。奇露比叫左個豬肉石頭鍋飯。另外，奇露比最近不能食生蛋，惟有同侍應講我想要熟蛋。但侍應聽唔明，幸好有另一位韓國侍應聽得明。GOOD!!等左陣，前菜先到，1人都有4個前菜，抵讚!前菜味道不過不失。不久，石鍋飯熱騰騰咁端上，另有辣醬附上。因為太心急，未拌前忘了影相。連忙在拌了後補拍一張，味道非常不錯。豬肉醃得適中，沒有太乾，肉汁仍在。加上夠熱，真係好味。最後。飲一口菜湯，OH!!!有重重的胡椒味，是奇露比最愛，忍不住把湯飲完，但很快就口渴，無疑大有可能是味精湯。下次有機會，會多約幾位朋友再試。