今日自己一個人點左份1人熟食Omakase $298/位，由前菜、煮物、串燒、炸物、湯同甜品都有、好豐富🤩好好獎勵一下自己！
✦季節沙律、前菜~沙律菜新鮮。漬物酸酸微微好開胃，我最鍾意木魚醬蒜頭，本身我怕食原粒蒜頭的味道，用呢個方法醃製蒜頭🧄味道温和，甜甜地味道好特別。
✦三點串燒~茄子,雞翼,豬頸肉
燒汁茄子🍆味道甜甜地，燒得啱啱好，內𥚃仍保留水份。鹽燒雞翼大大隻，皮脆肉嫩。豬頸肉外脆內嫰，灑上黑椒帶少少辣，好惹味
✦季節煮物~味增煮牛肋肉，煮得好入味好腍，牛味超濃。
✦炸物~炸雞新鮮炸起，熱辣辣好香脆，皮薄多汁。
✦日本烏冬~湯底好鮮甜
✦湯~麵豉湯
✦甜品~紅豆大福外層包住滿滿嘅芝麻好香口，外脆內軟嘅紅豆麻糬口感煙煙韌韌，不太甜！
