養心麵 (已結業)

因為去附近買嘢，所以諗住搵下有咩食。見呢個名同養心殿有啲似，發現原來係養心殿開嘅，就決定咗上去試下啦。可能係非繁忙時間，餐廳入面人並唔多。位基本上都都係任坐。食物方面選擇都幾多，麵亦都好快整好。今次繼續選擇我最愛嘅寬粉條，配上麻辣湯底，當然要點埋鴨血。份量雖然唔算好多同無係火鍋店咁大件，但一樣好食。另外貢丸亦都好香好彈牙，亦同係台灣食到嘅味道好似。牛筋煮得好稔，同我印象中爽口的滷牛筋有一定差距，味道亦似一般麵店的柱候醬味，略感失望。整體而言算是不錯，價位方面偶爾一次亦無不可。