阿元來了 (鴻圖道)

營業中

休息中

今日經過牛頭角附近，忍不住再次到「阿元來了」，品嚐一下台式的真正風味。今次因為得自己一個人食，好可惜吾可以一次過叫太多的野食，真係好想搵多幾個朋友一起食，開心Share。今次叫左一個阿元魯肉飯加一杯鳳梨青茶(感覺上似菠蘿味的綠茶)，飲品加配只需加$10。阿元魯肉飯內有大量的魯肉、一大件滷水豆腐、幾條菜、一塊甜酸蘿蔔。起初，自己還十分珍惜碗中的魯肉，擔心之後會食曬D魯肉，得番D白飯。但食到一半，發現魯肉的份量比預期中多，就差不多每一口都係1:1的白飯同魯肉一齊食。雖然阿元魯肉飯的價錢比我預計中貴左少少，但CP值真的十分高，絕對沒有食錯。最後，不得不讚店內的環境設計十分有心思，文青懷舊的台灣風味十足，打卡一流。PS 臨走前，於店門前買左一件芝麻麻薯車輪餅，可能臨近關門，好多味都售罄了，而且車輪餅都係凍的，但內裡的餡絕對配合，又無偷工減料，希望下次可以食個新鮮出爐的就好了。