燒肉駅 一人燒肉·丼飯

營業中

休息中

唔知你哋鍾唔鍾意me time呢？有時候都好想了解一下自己，同自己傾吓偈，或者放空一下，咩都唔想知唔想理。不過，享受me time嘅同時，又點少得食吓嘢呢？一個人食燒肉原來都可以好盡興！嚟到旺角嘅燒肉駅一人燒肉•丼飯，食返個和牛套餐，咁先夠滿足！十勝和牛盛每個一人燒肉套餐都包括蘿蔔漬前菜、泡菜，味噌湯同珍珠飯。至於燒肉汁就有三款，包括傳統燒肉汁、蒜味燒肉汁同埋蒜蓉牛油汁。試完三款之後，我最鐘意就係蒜味燒肉汁，蒜味香濃惹味，同和牛非常夾。至於十勝和牛盛嘅重點當然係三款和牛啦！三款和牛分別係牛三角，和牛舌芯同埋中腹肉。牛三角屬於稀有部位，入口即充滿甘香油脂味；和牛舌芯肉身雖然比較厚，但一啲都唔靭，軟身爽口；而中腹肉嘅油花十足，接近有入口即溶嘅感覺呢！