神石燒牛扒水產專門店 (如心廣場二期) (已結業)

定食可以揀鐵板石燒或者壽喜燒鍋，午市同晚市定食都配有味噌湯、珍珠飯、沙律放題同飲品。週末同假期都有lunch set, 抵食。沙律放題有4款沙律，醬料有胡麻醬、千島醬、柚子醋同黑醋。湯有兩款：味噌湯同黑豚牛舌洋蔥湯。湯同飯都係任食，飯可以加紫菜飯素，正。另外有燒肉汁同豚肉生薑汁。。假日A餐- 美國牛膈肌盛合 $98有一舊牛隔肌，雞件同豚肉，牛肉唔錯。。午市壽喜燒C.豚の御宴 $88有三款豚肉，娃娃菜、金菇、冬菇、蘿蔔、烏冬同雞蛋。豚肉淥熟咗都唔會太乾，配埋壽喜燒汁甜甜地，好味。