影片
更多
2023-01-03
98 瀏覽
💎總評分：8.5/10-新店速遞✨！又收到試食邀請，登龍街食肆林立競爭咁大，有新店當然要試試🏃🏻♂️！遠遠望去舖面副有設計感，室內明亮簡潔💡，全吧枱式一人座劃位，如店名solo udon，一個人食飯都唔怕尷尬😚。座位之間嘅分隔板原來有機關嫁😲！當你喺門口touch screen自助落完單後，用分隔板scan單上面嘅QR code就可以等送餐啦！High tech到俾佢surprise左呀😆！1️⃣ 咖哩湯吉列豬扒烏龍麵 $98 (+$10加大)日式咖喱普遍唔會好辣🥘，濃濃嘅咖哩作為湯底質感較杰身，比起湯麵更似撈麵，麵條彈牙掛汁，overall好食不過食好濟🙈。吉列豬扒炸得脆身，雖然偏瘦🐖，但小編反而幾欣賞佢脂肪少得嚟唔會好鞋口🫶🏻。2️⃣ 安格斯牛肉壽喜燒烏龍麵 $138 (+$10加大)算係menu上較高價位嘅麵食，一鍋上熱辣辣天氣凍就啱晒🔥！烏龍麵加大後有400g，底下仲有勁多蔬菜同半熟蛋，好足料😋！壽喜燒湯底味道微甜，牛肉薄片質素普通偏乾身，有要求的話可選擇升級和牛🐮。3️⃣ 櫻花蝦芫荽餅天婦羅 $48採用刺身級嘅櫻花蝦🦐，size有反咁上下，mix埋芫荽以天婦羅做法炸成一個脆餅，創新特別👏
-
新店速遞✨！又收到試食邀請，登龍街食肆林立競爭咁大，有新店當然要試試🏃🏻♂️！遠遠望去舖面副有設計感，室內明亮簡潔💡，全吧枱式一人座劃位，如店名solo udon，一個人食飯都唔怕尷尬😚。座位之間嘅分隔板原來有機關嫁😲！當你喺門口touch screen自助落完單後，用分隔板scan單上面嘅QR code就可以等送餐啦！High tech到俾佢surprise左呀😆！
1️⃣ 咖哩湯吉列豬扒烏龍麵 $98 (+$10加大)
日式咖喱普遍唔會好辣🥘，濃濃嘅咖哩作為湯底質感較杰身，比起湯麵更似撈麵，麵條彈牙掛汁，overall好食不過食好濟🙈。吉列豬扒炸得脆身，雖然偏瘦🐖，但小編反而幾欣賞佢脂肪少得嚟唔會好鞋口🫶🏻。
2️⃣ 安格斯牛肉壽喜燒烏龍麵 $138 (+$10加大)
算係menu上較高價位嘅麵食，一鍋上熱辣辣天氣凍就啱晒🔥！烏龍麵加大後有400g，底下仲有勁多蔬菜同半熟蛋，好足料😋！壽喜燒湯底味道微甜，牛肉薄片質素普通偏乾身，有要求的話可選擇升級和牛🐮。
3️⃣ 櫻花蝦芫荽餅天婦羅 $48
採用刺身級嘅櫻花蝦🦐，size有反咁上下，mix埋芫荽以天婦羅做法炸成一個脆餅，創新特別👏🏻，食落芫荽味唔會太重，balance得剛好。口感方面極度鬆脆，每啖咬落去都聽到SharpSharp聲😆，配傳統天婦羅汁無得輸🫶🏻！
4️⃣ 明太子芝士卷 $38
明太子同芝士係常見嘅combination🧀，味道鹹香，可惜小編放得太耐，錯過左可以做到拉絲效果嘅時刻🙈，大家記住要趁熱食啦！
5️⃣ 抹茶牛乳蛋糕 $48；草莓牛乳蛋糕 $48
作為烏冬店，呢度嘅甜品竟然勁到有人專程嚟買走❤️🔥～人氣產品一定要試！罐裝蛋糕賣相可愛，尤其係草莓味見到水果切面更啱打卡📸！自家配方有驚喜，cream夠幼滑，蛋糕軟綿🍰，一層層相隔甜而不膩。相比之下，抹茶牛乳茶味都OK，但不知為可質感濕左D，更為推介草莓味🍓！
6️⃣ 玉山烏龍 $25；綠茶可樂 $28
烏龍茶係自家製有誠意🫖，但老實說飲唔同一般茶有咩分別，純粹無糖健康，尤其係食完咖哩湯後消消濟都幾好😉！枝裝綠茶可樂聽落好特別🥤，比一般可樂啖口但無咩綠茶，可一試但無大驚喜。
成個用餐體驗好得意😍，由scan QR code到打窗簾送餐，成個過程有別於一般餐廳，令人印象深刻。雖然話劃位係專為獨食而設，但兩三個人一齊去都唔會奇怪🍽️。價錢唔貴，以上份量都有加大，純粹係小編好奇想知有幾大😅，otherwise正常份量已好足夠！
-
環境服務：⭐⭐⭐
食物質數：⭐⭐⭐⭐
打卡指數：⭐⭐⭐
張貼
