牛極 (庇利金街) (已結業)

一人据扒之體驗@牛極一人之据扒編😝今日一條友去左食火山石燒牛柳，200g都只係$110 牛柳好稔，肉質鮮嫩，口感豐富夠肉汁，絕對抵食。呢度仲有自助區，有齊醬料, 珍珠米白飯、沙律及日式牛肉湯，仲有清水提供，CP值超高，絕對值得試。☺️如果怕油煙，可以自己拎圍裙。牛柳唔洗怕order幾成熟，因為全部自己控制 👍我就鍾意5成熟血淋淋生生地最好食😋自己燒幾過癮呢有無人同我一樣都係鍾意食5成熟呢！！？？🤔🤨😛 一個人食飯最唔鍾意同人搭台，呢度有一人面壁位，絕對係獨食之選😂😙好似日本d餐廳咁，呢度入座前需要自助購買機購買就得啦 ✌️ 牛極地址：佐敦庇利金街53號地舖（仲有幾間分店）