影片
更多
2022-09-04
157 瀏覽
小店行平民路線，提供養生台式一人火鍋，仲有多款台灣料理可以揀，食物多到有選擇困難！座位闊落坐得舒服，每人叫一個一人火鍋都唔會擺到張枱好逼；服務幾好又貼心，用QR code落單，有濕紙巾同埋口罩袋提供！------------------------------🍱◖幸福小食拼盤◗ $88呢個小食拼盤九宮格咩都有，一次過可以試晒九種台式小食，貪心想一次過試晒都冇問題！有鹽酥雞、甜不辣、櫻花蝦餅、雞卷、滷蛋、香腸、地瓜條、炸花枝丸、麻辣鴨血，超吸引！最鍾意佢嘅糖心滷蛋同雞卷，雞肉嫩滑帶啲花雕酒香，麻辣鴨血都好麻好正！🍜◖慢煮烏醋豬軟骨配手工麵◗ $72手工麵彈牙有口感，豬軟骨煮得好腍好入味，用烏醋慢煮，好入味酸酸地咁幾開胃！豬軟骨好大舊，唔會話好肥，好多軟骨部位而且好腍，食到啖啖骨膠原！🐓◖藥膳花雕雞鍋配薯粉◗ $118可以揀白飯、薯粉、粉絲或者加錢要滷肉飯！藥膳湯底清清地，但都夠味，飲落好養生！一人火鍋都有好多配料，有四至五舊雞，薯粉煮出嚟索晒啲雞湯，完全係火鍋嘅精華！🥞◖肉鬆榨菜蛋餅◗ $30我幾新奇特別嘅配搭，肉鬆係比較濕身嗰種，加埋榨菜，好中式嘅風味。夾有大量青瓜絲，食落唔會油膩，蛋
------------------------------
🍱◖幸福小食拼盤◗ $88呢個小食拼盤九宮格咩都有，一次過可以試晒九種台式小食，貪心想一次過試晒都冇問題！有鹽酥雞、甜不辣、櫻花蝦餅、雞卷、滷蛋、香腸、地瓜條、炸花枝丸、麻辣鴨血，超吸引！最鍾意佢嘅糖心滷蛋同雞卷，雞肉嫩滑帶啲花雕酒香，麻辣鴨血都好麻好正！
🍜◖慢煮烏醋豬軟骨配手工麵◗ $72
手工麵彈牙有口感，豬軟骨煮得好腍好入味，用烏醋慢煮，好入味酸酸地咁幾開胃！豬軟骨好大舊，唔會話好肥，好多軟骨部位而且好腍，食到啖啖骨膠原！
🐓◖藥膳花雕雞鍋配薯粉◗ $118
可以揀白飯、薯粉、粉絲或者加錢要滷肉飯！藥膳湯底清清地，但都夠味，飲落好養生！一人火鍋都有好多配料，有四至五舊雞，薯粉煮出嚟索晒啲雞湯，完全係火鍋嘅精華！
🥞◖肉鬆榨菜蛋餅◗ $30
我幾新奇特別嘅配搭，肉鬆係比較濕身嗰種，加埋榨菜，好中式嘅風味。夾有大量青瓜絲，食落唔會油膩，蛋皮面仲有好多沙律醬，食都幾開胃！
☕️◖紅棗桂圓茶◗ $22
好足料有大量紅棗，養生嘅好選擇！
🧋◖芋香珍珠奶茶◗ $28
芋香奶茶唔會好甜，飲落芋頭味道香濃，但味道有啲淡。
Encore指數：9/10
------------------------------
食物嘅選擇真係花多眼亂😵💫，除咗好多款式嘅主食，仲有多款飲品同甜品提供！以呢個價錢黎講，真係大份夾抵食！本身仲想試埋甜品，但真係太飽，唯有留返下次再嚟試！
張貼
