咖啡弄 (已結業)

其實有時我都覺得自己幾無聊+悶,明明一年都飛幾次台灣,都係鐘意走去排下咖啡弄o個d熱店,但去到台灣又不會去......銅鑼灣店初開張時,我也有同朋友去過,當時我仲有一個星期就要去台灣,我真係好難明..那次是朋友先去拎籌,之後再大概時間返去就可以了其實搞到咁人山人海,是因為他們一過籌就要重新排過,結果後樓梯永遠都是一條長龍,氣勢真的好勁!今次我係單拖來到尖沙咀分店,因為朋友仔話,單拖是不用等位的,加上我也想靜一靜,看看書,這天放工就過來了,真的!不用等位,直上二樓!呢度的食物都幾大碟,上次我同朋友,叫一咸點一鬆餅,再加每人指定的飲品,其實已經飽到反眼!以上份量係可以三個人Share!!我自己一個人來,就同個落地玻璃 share啦!!今次叫了總匯三文治,很大份....所有材料都是厚身的,我好喜歡食台式三文治的豬扒,厚身,而且味道比香港的厚火腿更好吃旁邊的薯仔蛋沙律,我平時就唔食的,因為我最憎蛋黃醬,又憎笠口野,呢度的沙律,係我會主動爭食,可能口感比較輕盈,亦都無咁笠,真係世界變!因為每人都要叫一個飲品,我叫左熱可可,上台時仲跟左一小杯棉花糖,味道又真係無咩特別,咪同超市盒裝的差不多,勉強來