爆爆鍋 (已結業)

喺銅鑼灣收工順便食埋晚飯先返屋企，約咗同事近近地係地鐵站隔離嘅銅鑼灣一期爆爆鍋開餐。餐牌有十款主菜八款湯底選擇，揀好之後就用 QR code 落單。餐廳提供多款調味料，某部份火鍋食物放係自助蔬菜區可無限量自取，其他火鍋食物或者小食就需透過手機落單。湯底叫咗爆炒櫻花蝦鲜鍋同夜市養生排骨鍋，跟餐仲有蔬菜拼盤、飯或者米粉選擇。櫻花蝦鲜鍋店員會先係你面前爆炒櫻花蝦同配料，爆炒嗰陣時香噴噴之後再加湯打邊爐，叫嘅兩款牛肉都唔錯，雪花紋幾靚肉味濃。另外加點咗鹽酥雞、炸魷魚同手工松露海鮮丸，兩款炸物酥香鬆脆，松露海鮮丸口感唔錯，可以食到粒粒墨魚肉。飲品叫咗真心橙意翡翠同蜂蜜翡翠檸檬，兩杯都用新鮮生果，而且加咗椰果粒增加口感，食到最後仲有兩杯雪糕做甜品。