我簡左壽喜燒 甜豉油既火鍋好味 老豆試左昆布湯 都好重昆布味 清清地 夠哂健康
食物方面 餐廳會比牛雞豬各一盤俾你先 之後可以再添 等你水滾可以拿拿臨食左一轉先 唔洗等咁耐 美國SRF牛肉 比起普通美國肥牛就滑d 淥耐左都唔會話好鞋 都食得過 豬就正常發揮 雞好滑 encore 左幾次
至於出面可以拎既丸就普普通通 芝士丸 蟹子丸 魚蛋 牛丸 豬肉丸 墨丸 龍蝦丸 芝士腸都有 特別d既就有年糕福袋 幾索汁 幾好食 其他就試下一粒就夠了 蔬菜我主要都係食生菜 木耳 淮山 南瓜 冬瓜 蕃茄 芋絲 佢仲有日本葛粉 想試 但太飽
醬汁方面 都好多選擇 有隻幾得意 椰汁芫荽 食落好重椰汁味 可以一試 另外試了柚子醋 都幾得意 兩隻汁同牛類幾夾
出面拎既食物refill都快 加叫既肉都好快有 侍應又會主動加湯收碟
我最欣賞係佢個碗 可以分隔湯汁 食物唔洗浸住d湯
飲品方面 有自助汽水機 甜品有雲呢拿同朱古力雪糕 又有得自製waffle 又有幾款topping 簡 我太飽 只試了雪糕 好凍 少少甜 下次想試自己整waffle
So far依間日式火鍋放題 俾我感覺唔錯
侍應會主動收碟加湯 refill食物快不過一到7:30pm開始人多既時候 樓面得兩個侍應就唔夠了 見到其他客人要催單 想refill肉就要等耐d 而且唔夠人手執台 所以早d食係有著數
冇咁多人既時候 服務自然會好d 我諗我會再encore 依間 希望佢食物同服務質素會保持到 最後埋單85折 兩個人都係$376已加一 平均每位$200都唔洗就樓落 幾抵食
