阿元菜市場 (科士街) (已結業)

餐廳位置好方便，堅尼地城地鐵行幾步就到。店名叫阿元菜市場，被佢一人一鍋吸引，好似幾特別就約左朋友去食。間舖裝修好有台灣風格，有好多台灣小食可揀。我地叫左鹽酥雞，甜不辣，魯肉飯⋯味道正常，不算正宗，始終主打火鍋，小食只是配菜。起初想試一人一鍋，但原來有2小時時間限制。我地幾個朋友傾偈，最後坐左沒有時間限制，但只有一個大鍋的卡位。坐低後店員有詳細解釋，大家要留意餐單上的步驟選菜。最特別係第四步的自助式菜市場。原來店名叫菜市場是有原因的。每叫一份主鍋都有一個小滕籃可到旁邊的小市場任拎配菜。配菜有好多唔同種類既丸同菜。 我地揀左石頭火鍋做主鍋，石頭鍋的湯底冇得揀。店員會將肉炒至七成熟後加入雕魚豬骨湯。石頭鍋湯底不太突出，大家可試其他5款湯底。見隔離枱叫左個黑色既墨魚湯底幾特別。另外叫左海鮮，蝦同蠔都幾大隻，味道鮮甜。個人覺得海鮮比肉類好味。店員好耐心解釋，但可能人手唔多，有時佢地執枱，舉手叫店員要等一陣先有人。呢度幾適合人數少。可以自己去菜市場自助夾餸，都幾好玩，而且一定夠飽。係一人一鍋打邊爐想食好D既選擇。