影片
更多
2013-11-04
5419 瀏覽
呢度嚟過6、7次，因為價錢平、款式多，每次都早兩星期預約。今次12位，6點半（$138/位，免加一）。用餐當日就收到電話再confirm一次。順便問我要唔要房，不過就兩個大鍋，咁梗係一人一鍋啦，滿足晒所有人嘅個人口味同宗教飲食嘅避忌！因為唔想咁趕，否則約早少少都可以一人平$10，但發現2個鐘係有剩，所以下次約早少少，未齊人都照入座好過。之前人多都係試過坐10人枱或者2張10人枱，但原來仲有12人枱同16人枱，即係好似“最後的晚餐”咁。自助吧分兩邊，一邊係湯底醬料、醬汁同飲品，一邊係火鍋配料入座後，枱上嘅迷你鍋入面係水一樣嘅清湯，枱面有兩壺清湯俾客人自己“加水”，想要咩湯底就自己去自助吧攞醬料，小弟就試過麻辣、沙爹同番茄，濃度取決於落幾多醬料，呢3款都好好味，另外仲有豬骨湯等。攞醬料就順手攞埋飲品，有豆漿、酸梅湯、橙汁同利賓納，另有汽水機同糖水機(?)。酸梅湯唔錯，利賓納似係沖嘅，糖水有芝麻糊同杏仁茶，冇試。仲有90ml裝雀巢雪糕，喺接待處後面。麵、菜、丸、豬膶、魷魚等基本配料就喺另一邊嘅自助吧，肥牛、豬肉片、羊肉、鴕鳥肉、海鮮（好多）、刺身等就要剔紙。特別一提，同一張紙剔嘅種類越多（乜
因為唔想咁趕，否則約早少少都可以一人平$10，但發現2個鐘係有剩，所以下次約早少少，未齊人都照入座好過。之前人多都係試過坐10人枱或者2張10人枱，但原來仲有12人枱同16人枱，即係好似“最後的晚餐”咁。
自助吧分兩邊，一邊係湯底醬料、醬汁同飲品，一邊係火鍋配料
入座後，枱上嘅迷你鍋入面係水一樣嘅清湯，枱面有兩壺清湯俾客人自己“加水”，想要咩湯底就自己去自助吧攞醬料，小弟就試過麻辣、沙爹同番茄，濃度取決於落幾多醬料，呢3款都好好味，另外仲有豬骨湯等。
攞醬料就順手攞埋飲品，有豆漿、酸梅湯、橙汁同利賓納，另有汽水機同糖水機(?)。酸梅湯唔錯，利賓納似係沖嘅，糖水有芝麻糊同杏仁茶，冇試。仲有90ml裝雀巢雪糕，喺接待處後面。
麵、菜、丸、豬膶、魷魚等基本配料就喺另一邊嘅自助吧，肥牛、豬肉片、羊肉、鴕鳥肉、海鮮（好多）、刺身等就要剔紙。
特別一提，同一張紙剔嘅種類越多（乜都剔），各款嘅數量就越嚟得少；一張紙剔一樣嘢，就一整碟都係。（唔係你寫幾多嚟幾多）
其實食物味道唔係好突出，但勝在款式多，夠新鮮。
而最值得提嘅就係刺身任食，有三文魚、甜蝦、帶子、八爪魚等。三文魚可以，而食食吓會有腩位，腩位直頭好食！甜蝦都好鮮甜，帶子（切片）爽口。不過刺身始終唔係火鍋主打，所以佢切到比較細件，想食多啲就要密密遞紙，唔好等佢到先遞。
服務就可以接受，但總有一、兩個侍應做嘢比較落力又有禮貌，只要你認到邊個做嘢好啲，搵佢幫手就一定滿意！
張貼
