菜菜鍋(犇.石燒) (T.O.P This is Our Place) (已結業)

第一次同朋友行旺角T.O.P 呢個商場，格局好特別好新，仲好多outlet鋪頭，行完街試左一間叫菜菜鍋嘅日式火鍋半自助式餐廳，上網睇過都幾高評價，幾多人排隊。我地揀左個廣島蠔牛肉set$269 90min任飲任食，我揀左一人一鍋雙拼湯底黃金骨膠原雞湯+豬骨湯，朋友都揀左其他湯，一人一個爐唔使爭。牛肉同豚肉都好薄，食落好滑又唔鞋，店員添貨速度超快，一叫幾十秒就上。蝦同蠔都好大隻好肥美。出面自助嘅蔬菜，瓜，肉丸類，全部都好新鮮，雪櫃夠凍，飲品區似薩利亞餐廳。甜品除左雪糕，最特別有陳皮紅豆沙，煮得都好溶好沙。任食價錢黎講都算幾抵食，值得一試。