大將 (已結業)

💡 一人一鍋火鍋店喺旺角行街行到攰，今日去咗間位置好方便喺TOP入邊嘅日式火鍋店。火鍋店有唔同嘅放題套餐，今日揀咗120分鐘日本黑毛和牛任食套餐。套餐包括所有自助區嘅食物同飲品，如果要叫餐牌上嘅食物，直接同店員講加單就得。🍽湯底湯底一共有八款選擇，一人一鍋，唔使怕要就朋友揀自己咁鍾意嘅湯底。原本想試椰子雞湯，但餐廳冇晒，今次揀咗完熟蕃茄海老濃湯同埋黃金壽喜燒，兩款湯底都幾好，惹味得黎又唔會蓋過食物本身嘅味道，壽喜燒湯底仲配一隻蛋，可以打咗佢加埋肉一齊食。🍽️肉類套餐之中最滿意就係日本黑毛和牛，夠薄、大片，有幾盆d雪花紋理非常靚，不錯。另外仲有豬、羊、雞、海鮮等不同選擇。🍽️自助食品區自助食品區有齊一般嘅蔬菜、菇類、丸類、各款粉麵。隔離仲放咗一啲即食嘅薄餅、炸雞等。🍽️飲品、甜品飲品有各款汽水、鹹柑桔、菊花蜜等，仲有部咖啡機可以沖咖啡、朱古力。甜品方面，餐廳最特別就係有自助窩夫機，除此之外，仲有軟雪糕機、木糠布甸、Tiramisu等幾款甜品任食。