爆爆鍋 (已結業)

一向鍾意食啲一人一鍋既火鍋，一嚟感覺的骰啲，二來覺得乾淨。呢間位於銅鑼灣廣場一期嘅爆爆鍋非常吸引。餐廳中間位置有兩排吧枱位，服務員會喺中間位置為你服務，每個火鍋上到枱嘅時候都未有湯底，服務員會即場幫你爆香個鍋，然後先加個湯底。10分推薦爆炒燒酒烏雞鍋，好足料，服務員炒熱既時候，加左燒酒，出晒火，好有型。每人仲可以搭配一個主餐，我都就叫晒兩款牛肉，啲牛肉望落質素都好高。另外，佢有個自助區域，都有好多菜式，而且好乾淨。