今日個周末跟老公到東薈城行街，行經見到呢間日本餐廳門面很日式，再看看餐牌發現是食丼飯為主的，看到食物都相當唔錯，所以就來幫襯呢間日本過江龍～日本橋海鮮丼。
一進到餐廳內，十分簡潔，而且仲可以清楚望到師傅準備食材及食物，好吸引呀。
看看餐牌，餐牌有提供幾款唔同丼飯，分別有梅、竹、松、特上。每一款都有不同的魚生食材，總會有一款岩自己的。
首先店員為我們送上鯛魚刺生，並跟我們說可先食兩片，可留下兩片鯛魚稍後混入高湯來食。
鯛魚刺身啖啖肉，又鮮甜又有質感，好正。
我們點了一客梅丼和一客特上丼。
梅丼的魚生食材有鮭魚子、赤蝦、鯡魚子、象拔蚌、螺肉、魷魚、金槍魚、金槍魚蓉。
滿滿不同的食材，顏色鮮艷，食材又新鮮，好吸引。
另外一款特上丼的食材有海膽、紅鱈蟹、鮭魚子、赤蝦、鯡魚子、象拔蚌、螺肉、魷魚、金槍魚、金槍魚蓉。
十分豐富十分吸引。
不論點邊一款丼飯，賣相跟食材都是鋪得滿滿的。
看到滿滿的魚生放置於飯面上，相當吸睛。
首先我們先吃一啖魚生，魚生又鮮甜又爽口，好正，而且混和左唔同款既魚生，口感好有層次，正。
之後再慢慢混入醬油，由內以外慢慢打圈的混入醬汁，再慢慢加以拌勻。真係又香又吸引，啖啖都吃到魚生跟飯，好滋味。
店員跟我們說留返大約1/3 的飯，便可以加入餘下的鯛魚刺身和高湯。一丼二食十分特別呢。
當我們示意後，店員為我們添上了高湯，高湯的熱力把鯛魚刺身都加上了熱度，令魚身口感都大不同，完全是另一種口感同味道，非常之特別同好味呀。因為高湯好濃郁，魚味香濃，豐厚，一啖湯內有齊湯飯、魚生粒、魚片，味道又好味又吸引，真係好好味。
好欣賞呢款一丼二食既魚生丼，一次過可以滿足兩個不同既口感同味道。
食飽飽就食埋個甜品～宇治抹茶布甸佐紅豆。相當美味，上面鋪滿了又香又濃既抹茶粉，中間的布甸又creamy又好味，啖啖都好吸引呀，當加上了紅豆後，紅豆香甜軟綿綿，好滋味。好喜歡這客甜點呀，充滿日本風情。
