影片
更多
2009-10-20
21 瀏覽
尋晚(19-10-2009 Mon)因爸爸上大陸,屋企冇晚飯食,咁o岩禮拜日睇到呢間o既食評,好似好好味咁,於是同男友o黎呢o度.時間尚早,才6:35pm左右,o黎到只有三個客,我同男友揀o左卡位坐,並即刻睇同剔o野食,先揀o左:1. $9.00雞腎都幾大件,爽口,好味.2. $12.00招牌牛肋粒好普通咋喎 ,唔明點解叫招牌.5. $8.00串爆飯球都幾大個,有啲煙肉方片o係面,食落,外面微脆,味道鹹鹹香香咁,幾得意.6. $12.00 露筍串法同8月o係深圳雪岳山食串燒韭菜o既一樣,咁當然,露筍份量唔多,只有4-5條,露筍夠嫩冇渣,不過整到好鹹.4. $16.00大虎蝦2串燒到蝦穀好香,蝦肉爽口,唔錯.7. $10.00 菠蘿男友話燒菠蘿會好味,開胃,所以叫.暖暖o既菠蘿又幾得意o既. 後加o既14. $10.00杯o既蜂蜜檸檬味道清新,但因為係物太鹹,所以好快飲晒.13. $7.00 香脆豆卜呢個燒得好乾,冇多餘水份,所以好脆好味,男友話有啲似油炸鬼.我o地都覺得好好食.12. $8.00車厘茄男友好奇下叫o既,一串有6粒,呢個保住多汁.11. $8.00尖辣椒呢個純粹係我男友食
時間尚早,才6:35pm左右,o黎到只有三個客,我同男友揀o左卡位坐,並即刻睇同剔o野食,先揀o左:
1. $9.00雞腎
都幾大件,爽口,好味.
2. $12.00招牌牛肋粒
好普通咋喎 ,唔明點解叫招牌.
5. $8.00串爆飯球
都幾大個,有啲煙肉方片o係面,食落,外面微脆,味道鹹鹹香香咁,幾得意.
6. $12.00 露筍
串法同8月o係深圳雪岳山食串燒韭菜o既一樣,咁當然,露筍份量唔多,只有4-5條,露筍夠嫩冇渣,不過整到好鹹.
4. $16.00大虎蝦2串
燒到蝦穀好香,蝦肉爽口,唔錯.
7. $10.00 菠蘿
男友話燒菠蘿會好味,開胃,所以叫.暖暖o既菠蘿又幾得意o既.
後加o既
14. $10.00杯o既蜂蜜檸檬
味道清新,但因為係物太鹹,所以好快飲晒.
13. $7.00 香脆豆卜
呢個燒得好乾,冇多餘水份,所以好脆好味,男友話有啲似油炸鬼.我o地都覺得好好食.
12. $8.00車厘茄
男友好奇下叫o既,一串有6粒,呢個保住多汁.
11. $8.00尖辣椒
呢個純粹係我男友食,我冇食到.
10. $19.00雪花蟹鉗(3隻)
呢個都冇乜特別,但男友話o鞋.
第1round漏單o既
8. 涼拌$22.00o既芥辣汁飽片
一碟好多片,但解唔切凍,重有好多冰.L味道係可以,但豉油太鹹,唔點wasabi同豉油好過.
9. $12.00牛舌
細細粒,呢個味道適中,但有啲韌.
又係第1round漏單o既
3. $14.00意大利煙腿
呢個幾大件,差唔多係3cm X 3cm X 3cm,味道唔太鹹,出奇好味.
第3個round.
17. $9.00魷魚翼
一碟兩串,每串兩件.燒到o岩o岩好,唔會太乾亦唔韌.
15. $9.00豬大腸
皮脆,但我接受唔到裡而o既豬油同有少少腥味.
16. $9.00花腩肉
肥瘦o既比例大約係8:2,呢個口感一般啦.
18. $13.00肥牛金菇卷
金菇唔多,呢個普通.
除o左叫第3個round時,個男仔問我o地係咪要唔辣,但我o地要小辣,但食落冇乜辣味外,其餘冇指定辣度o既都辣辣地同好重羊羶味同鹹.
服務:
佢寫明全部串燒係即叫即整,製作須時,要耐心等候係冇問題,但其實係加上老闆娘同亞姐都生手,燒好o左冇人拎o黎,所以等上加等,同經常漏單.尋晚我o地食o野o既時間,最多客時都只有3枱客,但等o野食真係等到火都o黎,淨係食第一round都已經要一個鐘.最後要食到8 :09pm左右至走.
環境:
好好,卡位好舒服,佢抽風做得好好,油煙冇困o係室內.裝修又精緻.
埋單$223.00,味道係2.5分
張貼