影片
更多
2009-09-21
8 瀏覽
好開心，今次食嘅比之前更豐富、更有新意。點解又去食浦和？原因好簡單有好嘢食就要介紹中意食好野嘅人羅…...哈哈今日有三位首次幫襯嘅坐上客，再加上兩個對浦和d食物水準有信心嘅，一共五個人。講開食放題，其實真係好睇得出間店d師父有無全心全意去做好自己嘅崗位架！E d就叫做誠意喇！刺身師父（呀偉），每次都會好用心機去陳設每碟刺身，用料新鮮唔在講，所以賣相靚羅！（色、香、味）當中嘅（色）已經令人食慾大增啦！另外一種味，在叫做親切感人情（味），雖然只係第三次幫襯，已經認識到一位有味嘅Sammy啦…..哈哈坦白講，今次我完全無睇點樣過D餐牌，原因好簡單就係叫做“信得過”Sammy喇！今日係星期日舖頭裏面都算得係幾忙架！Sammy，面帶笑容又親切去為我哋推介我之前忽略嘅好野食！真係值得一讚！重用有從未公開，首次曝光嘅（紅豆豆腐綠茶凍）比我地首先試味！突然之間覺得自己身份地位由三粒星加到五粒星…..哈哈Sammy更有人情味嘅就係，我哋當中一位妹妹仔嘅要求完全滿足啦…..哈哈真係又值得一讚！（究竟，妹妹仔要求d乜呢？）…文章最後….會有答案….哈哈而家開始介紹今餐食左乜先….哈哈香芒海中寶 (一食立即鐘
點解又去食浦和？原因好簡單有好嘢食就要介紹中意食好野嘅人羅…...哈哈
今日有三位首次幫襯嘅坐上客，再加上兩個對浦和d食物水準有信心嘅，一共五個人。
講開食放題，其實真係好睇得出間店d師父有無全心全意去做好自己嘅崗位架！
E d就叫做誠意喇！
刺身師父（呀偉），每次都會好用心機去陳設每碟刺身，用料新鮮唔在講，所以賣相靚羅！
（色、香、味）當中嘅（色）已經令人食慾大增啦！
另外一種味，在叫做親切感人情（味），雖然只係第三次幫襯，已經認識到一位有味嘅Sammy啦…..哈哈
坦白講，今次我完全無睇點樣過D餐牌，原因好簡單就係叫做“信得過”Sammy
喇！
今日係星期日舖頭裏面都算得係幾忙架！
Sammy，面帶笑容又親切去為我哋推介我之前忽略嘅好野食！真係值得一讚！
重用有從未公開，首次曝光嘅（紅豆豆腐綠茶凍）比我地首先試味！
突然之間覺得自己身份地位由三粒星加到五粒星…..哈哈
Sammy更有人情味嘅就係，我哋當中一位妹妹仔嘅要求完全滿足啦…..哈哈
真係又值得一讚！（究竟，妹妹仔要求d乜呢？）…文章最後….會有答案….哈哈
而家開始介紹今餐食左乜先….哈哈
香芒海中寶 (一食立即鐘意)
和風鰻魚夾 (今次終於食到，真係好好味)
牛油炒雜菌 (五個人都話好味)
清酒煮蜆 (煮得啱啱好，每一次都會叫架)
蟹肉忌廉薯餅 (Sammy推介，幾好味喎)
日本吉到炸蠔 (最緊要係d蠔夠新鮮) GOOD
迷你日式凍手打烏冬 (彈牙架)GOOD
香脆炸三文魚皮 (好薄又爽脆)
炸日式餃子
鹽燒三文魚頭 (軟組織好好味呀)
鹽燒銀杏串 (好鍾意食呀)
鹽燒豬頸肉串 (唔差喎)
煙鴨胸雜菜沙律 (賣相好搶眼)p.s.如果加多Ｄ黑醋，會更加開胃
魚生雜菜沙律
串燒粟米
燒多春魚 (燒得好正呀)
鹽燒鲭魚 (正~無話可說)
北寄貝刺身
馬刀貝刺身
三文魚刺身
鱆紅魚
吞拿魚
立魚
希靈魚
八爪魚 (刺身通通都新鮮，加上了刺身師傅有誠意堆砌~~~又正又靚)
魷魚壽司
劍魚腩壽司
甜蛋壽司
甜蝦壽司
飽魚壽司
鰻魚壽司
花の戀 (非常支持環保....非常合適我哋少飯一族)完全唔會浪費 GOOD
重叫左份油甘魚，油甘魚嘅油香非常豐富Good！
三文魚腩彩虹卷（初次登場） (完全0澱粉質) GOOD
首次曝光嘅（紅豆豆腐綠茶凍）紅豆嘅甜非常配合清淡但帶有濃濃豆香嘅豆腐，再加上微微綠茶味嘅果凍，真係值得推介！
p.s. 如果綠茶凍加少少花奶落去混合相信會更加出色，又或者增加綠茶味道都會非常配合。
又係一餐令人回味嘅放題
$1040 五個人真係好底
答案就係：
（紅豆綠茶雪糕大、大、大舊d呀~~唔該！）大再三次呀…..哈哈哈
對於一間食市黎講，廁所係佢哋一個睇落唔重要，但係對於客人黎講係有機會必須去嘅重要地方！.....如果個廁所唔好咁熱，同埋濕滑，保持乾爽就更加GOOD啦
希望可以加以改善
張貼
