魚鮮生刺身專門店 (已結業)

登龍街可以話係銅鑼灣嘅新「食街」😋，基本上地舖清一色全部都係食、食、食！今次阿叔👨🏾就嚟咗一間刺身專門店食晏，店入邊暗黃色嘅燈光、配埋牆上一系列嘅日本美食海報，好有居酒屋feel😌，呢度主打唔同丼飯，生、熟都有提供，價錢由$6X - $16X，以呢條街嚟講，都算大眾化。👍🏽 🍚拖羅丼 ($168)：一碗丼有3款拖羅提供，包括中拖羅、火灸拖羅同埋拖羅蓉，每款份量都唔少而且色澤粉紅，食落新鮮肥美，充滿魚油香🤤。另外，飯本身已加入醋，所以唔需要另加豉油，相反食之前記得要撈均半熟蛋🥚一齊食，蛋汁會令飯粒更黏口，口感更好。🤤