影片
更多
2023-09-02
23 瀏覽
呢間位於尖東嘅日式料理店1972年開始營業，經營超過半世紀原來大有來頭，喺當年嚟講，佢算係少有嘅日式餐廳有日本師傅坐陣，所以成日都吸引唔少名人、巨星幫襯，連一代巨星李小龍都嚟過你就知佢幾犀利。 不過好景不長，佢哋3年前由亞士厘道搬到嚟富豪九龍酒店，今年6 月仲因為租金問題而結束營業添。好彩一個月後，餐廳決定重開，今次換上新管理，換過啲裝修，同一個選址繼續為大家帶嚟最傳統嘅日式美食。 阿叔一早都有聽聞過呢間餐廳，不過幫襯都係第一次。呢度地方好大，俾我感覺好傳統，有少少好似番咗去以前友和、水車屋嘅感覺。食物方面，賣相一啲都唔花巧，屬於實幹型，講求穩打穩紮，加上份量夠大，絕對CP值夠高。 🐟極上刺身盛 9點18切 ($668)極豐富嘅刺身拼盤，一大盤有齊三文魚、牡丹蝦、池魚、油甘魚、帆立貝、拖羅、鯛魚、海膽等9款刺身，款款唔單止肉質鮮嫩，而且味道鮮甜，除番開平均每片嘅價錢都唔使$40，真心超抵食！ 🍣蔥吞拿魚腩卷 ($128)咪睇一客只有６件嘅小卷，但每件都有滿滿嘅吞拿魚蓉，食嘅時候滿口油香，絕對係阿叔另一私心推介！ 🥢炸豆腐 ($78)一向以嚟都好鍾意食呢款日式揚出炸豆腐，以柴魚片取代麵包
不過好景不長，佢哋3年前由亞士厘道搬到嚟富豪九龍酒店，今年6 月仲因為租金問題而結束營業添。好彩一個月後，餐廳決定重開，今次換上新管理，換過啲裝修，同一個選址繼續為大家帶嚟最傳統嘅日式美食。
阿叔一早都有聽聞過呢間餐廳，不過幫襯都係第一次。呢度地方好大，俾我感覺好傳統，有少少好似番咗去以前友和、水車屋嘅感覺。食物方面，賣相一啲都唔花巧，屬於實幹型，講求穩打穩紮，加上份量夠大，絕對CP值夠高。
🐟極上刺身盛 9點18切 ($668)
極豐富嘅刺身拼盤，一大盤有齊三文魚、牡丹蝦、池魚、油甘魚、帆立貝、拖羅、鯛魚、海膽等9款刺身，款款唔單止肉質鮮嫩，而且味道鮮甜，除番開平均每片嘅價錢都唔使$40，真心超抵食！
🍣蔥吞拿魚腩卷 ($128)
咪睇一客只有６件嘅小卷，但每件都有滿滿嘅吞拿魚蓉，食嘅時候滿口油香，絕對係阿叔另一私心推介！
🥢炸豆腐 ($78)
一向以嚟都好鍾意食呢款日式揚出炸豆腐，以柴魚片取代麵包糠包住豆腐拎去炸，沾埋鰹魚汁好好味。
張貼
