金所 (已結業)

日本通 Meter Chan👨🏻呢個大名，相信唔少朋友都會聽過！無錯，佢就係引入「豚王」拉麵🍜店嘅前老闆 (P.S. 轉咗老細後，阿叔已經好少食豚王喇😅)。多年嚟，佢帶領咗好多香港人日式飲食嘅熱潮，除咗豚王，佢旗下嘅 #隱家拉麵工場 係香港第一家嘅沾麵店，其後 #宗像屋 嘅三食海鮮丼🍚、 #宗像牛肉屋 嘅和牛牛肉飯🐮亦掀起過一陣熱潮🌊。.今次輪到引入群馬縣嘅 #白布烏冬，呢款連日本都少見、有別於傳統平時大家都食到一條條嘅烏冬，顧名思義佢就好似一塊白布咁樣，非常特別。🤪.呢間獨沽一味只賣白布烏冬嘅新店位處大角咀，前身原來係不知不覺已結業嘅宗像牛肉屋🙁，唔怪之得阿叔覺得好似嚟過咁。呢度烏冬可選擇熱湯食、凍食同埋沾湯食，今次阿叔揀咗 #雞肉入沾白布烏冬($86)，8大塊白雪雪嘅白布烏冬，配上一碗以海帶、鰹魚🐟、醬油煮成嘅湯🥣。烏冬非常滑溜又有煙韌口感，而且掛湯力一流；沾湯就咁飲味道會偏濃，但以烏冬沾湯食就剛剛好，雞肉好滑，湯中加入大蔥，令湯更香。阿叔食時會加少少Wasabi，味道帶點清新，更好味。👍🏼👍🏼👍🏼.咪睇得嗰8塊烏冬好似好少咁，但食完飽足程度又剛剛好喎！呢個價錢，呢個質素，實屬阿叔