影片
更多
2025-08-04
398 瀏覽
週末夜晚喺Airside搵食，行過一間充滿歐洲小餐館風情嘅玻璃屋餐廳 — The Cipollini Pizzeria，被佢溫暖燈光同滿滿人氣吸引咗。最啱就係我哋今晚想慢慢嘆吓意粉、pizza再加返球gelato 🍨。🥗 Spring Garden Salad $138開胃菜揀咗呢碟色彩繽紛嘅沙律，真係好出色！有新鮮爽脆嘅菠菜、紅菜頭苗、羽衣甘藍，加埋牛油果粒、甜椒、車厘茄、紅洋蔥、黑橄欖、石榴籽，再配上香滑嘅feta cheese 🧀，口感層次豐富又清新。食落冇半點草青味，仲有啲微酸果香，非常醒胃！🍝 Seafood Linguine Aglio Olio $198呢個海鮮意粉真係超正！香蒜橄欖油炒出惹味香氣，每啖都食到新鮮海蝦、蜆肉、魷魚、蟹肉，仲有少量香草同甜椒點綴，味道夠鮮香而唔膩。linguine掛汁能力好，唔會乾身，熟度啱啱好，有咬口又彈牙👍。🍕 Meat Lovers Pizza (Half Smoked Salmon) $238Pizza一出場已經令人眼前一亮！一半係煙三文魚配酸忌廉醬、刁草同capers，煙燻味濃郁得嚟唔搶味，酸香平衡得好好；另一半係多款冷肉（包括巴馬
週末夜晚喺Airside搵食，行過一間充滿歐洲小餐館風情嘅玻璃屋餐廳 — The Cipollini Pizzeria，被佢溫暖燈光同滿滿人氣吸引咗。最啱就係我哋今晚想慢慢嘆吓意粉、pizza再加返球gelato 🍨。
🥗 Spring Garden Salad $138
開胃菜揀咗呢碟色彩繽紛嘅沙律，真係好出色！有新鮮爽脆嘅菠菜、紅菜頭苗、羽衣甘藍，加埋牛油果粒、甜椒、車厘茄、紅洋蔥、黑橄欖、石榴籽，再配上香滑嘅feta cheese 🧀，口感層次豐富又清新。食落冇半點草青味，仲有啲微酸果香，非常醒胃！
🍝 Seafood Linguine Aglio Olio $198
呢個海鮮意粉真係超正！香蒜橄欖油炒出惹味香氣，每啖都食到新鮮海蝦、蜆肉、魷魚、蟹肉，仲有少量香草同甜椒點綴，味道夠鮮香而唔膩。linguine掛汁能力好，唔會乾身，熟度啱啱好，有咬口又彈牙👍。
🍕 Meat Lovers Pizza (Half Smoked Salmon) $238
Pizza一出場已經令人眼前一亮！一半係煙三文魚配酸忌廉醬、刁草同capers，煙燻味濃郁得嚟唔搶味，酸香平衡得好好；另一半係多款冷肉（包括巴馬火腿、意大利腸、辣肉腸等）加芝士同香草，鹹香夠惹味。餅底薄脆，唔會太油，好有水準🔥！
🍨 Pistachio Gelato $48
最後一定唔可以錯過佢哋手工gelato！開心果味香濃自然，冇假味，質感滑溜唔過甜，係完美ending！😍
餐廳環境舒服，座位闊落，啱晒朋友聚餐、情侶慢慢歎。食物質素高，擺盤吸引，服務亦都唔錯。
張貼
