影片
更多
2022-08-10
1210 瀏覽
暑假未正式開始，已經玩到盡，食到飽嘅感覺♡是日地點係鰂魚涌嘅KIN Food Halls，因為呢個小朋友成日話想出去學整PIZZA，寵女狂媽媽當然要努力滿足小公主的願望啦：）其實呢度係一個好大嘅餐廳黎，有中、西、日、東南亞美食，甜品放題之外， 一邊食仲可以一邊玩唔同嘅工作坊， DIY薄餅工作坊 、和菓子製作、臉部彩繪、首飾工作坊、扭氣球 等～剛剛好可以一家大小開開心心spent一個下午！呢度憑星期六都有 ，可以由早上11:30 玩到下午3:00，而參加食野同參加工作坊就計KIN Coins（tokens）嘅，入場時就包咗一定數目嘅KIN Coins，如果想玩多幾樣，就記得買多幾個KIN Coins啦～臉部彩繪一入去就被吸引了，只需要1個KIN Coins就可以玩，姐姐好用心幫佢畫咗額頭嘅幻彩unicorns，開心到不行，然後仲畫埋防水花花響腳，呢個貪靚嘅小朋友見到自己咁靚仲話決定唔沖涼！傻妹，其實腳上果個花花防水咖，keep到幾日咖囉！DIY薄餅工作坊 林小朋友最期待嘅環節！大廚準備好曬材料，小朋友可以按喜好加入，再自已拎去焗，焗好就立即開餐，試下自己手勢嘛～～呢個係open kit
暑假未正式開始，已經玩到盡，食到飽嘅感覺♡是日地點係鰂魚涌嘅KIN Food Halls，因為呢個小朋友成日話想出去學整PIZZA，寵女狂媽媽當然要努力滿足小公主的願望啦：）其實呢度係一個好大嘅餐廳黎，有中、西、日、東南亞美食，甜品放題之外， 一邊食仲可以一邊玩唔同嘅工作坊， DIY薄餅工作坊 、和菓子製作、臉部彩繪、首飾工作坊、扭氣球 等～剛剛好可以一家大小開開心心spent一個下午！呢度憑星期六都有 ，可以由早上11:30 玩到下午3:00，而參加食野同參加工作坊就計KIN Coins（tokens）嘅，入場時就包咗一定數目嘅KIN Coins，如果想玩多幾樣，就記得買多幾個KIN Coins啦～
臉部彩繪
一入去就被吸引了，只需要1個KIN Coins就可以玩，姐姐好用心幫佢畫咗額頭嘅幻彩unicorns，開心到不行，然後仲畫埋防水花花響腳，呢個貪靚嘅小朋友見到自己咁靚仲話決定唔沖涼！傻妹，其實腳上果個花花防水咖，keep到幾日咖囉！
DIY薄餅工作坊
林小朋友最期待嘅環節！大廚準備好曬材料，小朋友可以按喜好加入，再自已拎去焗，焗好就立即開餐，試下自己手勢嘛～～呢個係open kitchen，每一個小朋友有一個專屬嘅吧位製作，媽媽可以坐定定睇，感覺好似有個專屬小廚師為我服務咁～
首飾工作坊
又係1個KIN Coins就可以玩，用透明同七彩嘅uv gel同閃片等，一步步就可以製作超夢幻感匙扣，我都被吸引到技癢了，於是一人整咗一個，好靚呀！
和菓子製作
呢個雖然要用大拿拿7個KIN Coins，但因為機會難得，仍然大排長龍....我地都排唔到！見到其他小朋友，一步步整出一個又一個彩色和菓子，雖然不容易，但肯定成功感滿滿的，希望我地下次黎可以玩到啦！
張貼
