世華茶餐廳

#全自費食評
身為香港人,又點可以唔鍾意港式茶餐廳?💖 去灣仔剪頭髮之前,就喺隔離嘅世華茶餐廳食個晏先!

叫咗個揚州炒飯同常餐 (沙爹牛肉麵配炒蛋多士)!揚州炒飯炒得乾身,粒粒分明,配料都幾豐富!😋 常餐方面,沙爹牛肉真係多到滿瀉,好抵食!牛肉好入味,沙爹味香濃!不過個麵就淋咗少少,如果硬身啲就好喇🤏🏻!炒蛋多士就正常發揮,炒蛋滑溜,多士夠脆!另外叫咗杯茶走,茶味夠濃,奶味香滑,好飲👍🏻!

整體嚟講,世華茶餐廳都算唔錯,價錢合理,份量又夠!下次去灣仔,都可以再去試吓其他嘢!

1

9