十兄弟車仔麵 (已結業)

講起香港經典美食 相信唔少得車仔麵🤌🏻秘製辣汁嘅湯底 各式各樣嘅麵底 仲有豐富好味嘅配料～～ʕ •ᴥ•ʔ 呢間係灣仔嘅十兄弟車仔麵有超多餸選擇！！有成50款配料可以揀 連麵底都有成10款😆 仲可以轉撈麵或者淨餸菜底 選擇困難症嘅我諗咗好耐食咩🤣✻食神嗱喳麵 （$49）佢本身已經有五個餸 性價比超高😽有醬爆瀨尿牛丸 香辣豬紅 清甜蘿蔔 香辣玻璃魷 同埋 鮑汁魚肚 另外我加錢叫咗紅燒鮑魚（$9）同香炸魚蓉燒賣（$10）真係第一次食車仔麵有鮑魚😳估唔到$9嘅鮑魚咁大隻仲要係好食嘅！蘿蔔清甜多汁完全冇渣😌 魷魚爽口彈牙🦑 炸魚蓉燒賣外脆內軟🤌🏻 醬爆瀨尿牛丸咬開有青蔥同蝦肉餡😍✻自選車仔麵🥢鮮製油麵 （$14）勁焾牛孖筋（$13）自家製鮮蝦韭菜餃（$15）牛骨濃汁牛丸（$14）醬爆瀨尿牛丸 （$14）跟餐罐裝汽水（$10）佢可以加底多蔥多汁多湯等等自由度超高🥳仲可以揀唔同辣度既湯底 我揀咗少辣 佢係越食越辣 但又令人想繼續食個隻 辣辣地咁好過癮🤣 (利申我本身唔太食得辣)最後忍唔住叫返罐可樂解辣哈哈牛孖筋真係勁焾好好食😋 鮮蝦韭菜餃超足料🦐個人覺得牛骨濃汁牛丸比醬爆瀨尿牛丸更好食！咬開好多汁