影片
更多
2023-09-13
52 瀏覽
最近未有時間去泰國旅行，但又心思思想食泰國菜，就黎到旺角The forest嘅一間特色泰國餐廳，除咗食物質素高之外，店員嘅服務態度仲好好，建議晚市最好就Book定位·香草蒜蓉包4片 | HKD 48朋友揀咗蒜蓉包作為晚餐嘅前菜，4片蒜蓉包Size都超厚超大份，口感好香脆，每啖都食到香濃嘅蒜香味！·大蝦冬陰公| 小 HKD 96冬陰公係泰菜最經典嘅菜式，點可以唔叫！有菇菌、大蝦同大量香料，大蝦肉質爽口，味道酸酸辣辣好開胃，叫咗細份都剛剛好係2人份量。·路邊炭火蒜豬腩生菜包 | HKD 118呢到嘅生菜包好有特色，同平時出面食到嘅生菜包好唔同！平時嘅生菜包一般係用豬肉碎，而餐廳則採用豬腩肉，外皮燒得好香脆，咬落有少少甜味，包埋生菜一齊食完全唔會膩。·芒果糯米飯 | HKD 78甜品當然要食埋泰國最出名嘅芒果糯米飯，剩係賣相都加咗好多分！糯米加入咗蝶豆花汁，顏色靚咗好多，口感仲好煙韌，配埋椰汁同香甜嘅芒果一齊食好好味！·香蕉薄餅 | HKD 78香蕉薄餅都係必食嘅甜品，即叫即整，上枱時仲係熱辣辣！外脆內軟嘅薄餅面頭加咗滿滿嘅朱古力醬，好邪惡！薄餅中間會夾住薄薄嘅新鮮香蕉，會中和咗膩感，啖啖都
·香草蒜蓉包4片 | HKD 48
朋友揀咗蒜蓉包作為晚餐嘅前菜，4片蒜蓉包Size都超厚超大份，口感好香脆，每啖都食到香濃嘅蒜香味！
·大蝦冬陰公| 小 HKD 96
冬陰公係泰菜最經典嘅菜式，點可以唔叫！有菇菌、大蝦同大量香料，大蝦肉質爽口，味道酸酸辣辣好開胃，叫咗細份都剛剛好係2人份量。
·路邊炭火蒜豬腩生菜包 | HKD 118
呢到嘅生菜包好有特色，同平時出面食到嘅生菜包好唔同！平時嘅生菜包一般係用豬肉碎，而餐廳則採用豬腩肉，外皮燒得好香脆，咬落有少少甜味，包埋生菜一齊食完全唔會膩。
·芒果糯米飯 | HKD 78
甜品當然要食埋泰國最出名嘅芒果糯米飯，剩係賣相都加咗好多分！糯米加入咗蝶豆花汁，顏色靚咗好多，口感仲好煙韌，配埋椰汁同香甜嘅芒果一齊食好好味！
·香蕉薄餅 | HKD 78
香蕉薄餅都係必食嘅甜品，即叫即整，上枱時仲係熱辣辣！外脆內軟嘅薄餅面頭加咗滿滿嘅朱古力醬，好邪惡！薄餅中間會夾住薄薄嘅新鮮香蕉，會中和咗膩感，啖啖都有住濃郁嘅朱古力醬。
·楊枝甘露奶蓋 | HKD 48
面頭鋪滿超厚嘅奶蓋，口感仲好Creamy，陣陣椰奶味。飲品有齊芒果肉、寒天、西米露同柚子，口感超豐富。
·泰國珍珠奶茶奶蓋 | HKD 48
超級推薦嘅一款飲品，珍珠係偏腍身，係我超鐘意嘅口感！而且泰國奶茶底唔會太甜，淡淡茶香，再加上奶蓋嘅鹹味，有驚喜！
📍 青花
地址：旺角奶路臣街17號THE FOREST 1樓107-108號舖
張貼
