點一龍 (海港城) (已結業)

今日同朋友行經海港城見到Weekday下午茶時段有呢個「脆趣摩天輪」，估唔到飲茶都可以好似係酒店high tea咁🤩鐘意食野打卡唔好錯過呀！#shirley帶你去尖沙咀· 🍤海蝦長春卷真心想講呢個春卷真係超好食！裡面係有成兩大隻原隻海蝦，咬落啖啖爽口蝦肉而且仲要非常新鮮👍🏼👍🏼·🍐家鄉咸水角 超可愛～第一次見到啤梨型狀嘅咸水角，食落皮脆而不韌，好足料，咸同甜嘅味道融為一體！·🥕金柱蘿蔔糕雖然話係炸嘅蘿蔔糕但竟然食落一點都唔油膩👍🏼呢到做法比起煎蘿蔔糕更加外脆內軟！·🍆避風塘茄子簡直係色香味俱全！味道微微辣，好惹味！· 🐮脆皮牛腩呢個沾埋香濃嘅沙嗲咖喱汁就最好食啦😋滿滿嘅牛香加埋外皮嘅香脆，好食！·🐙椒鹽魷魚豆腐呢個又係超好食😍！火喉控制得非常好，保持到魷魚嘅爽脆度，一咬就可以斷開，豆腐更加唔使講，必食嘅菜式！每位仲會贈送原隻鮑魚雞粥/鮮蝦雲吞麵，我哋兩個人就揀咗每樣一款，鮑魚雞粥又香又綿，雞肉仲好腍；鮮蝦雲吞大大粒，皮夠薄，蝦肉緊實彈牙👍🏼