鳥山。商號

食物味道平平但創意搭救，環境寧靜雅緻加上空間感滿分，成功打造文青打卡點👍🏻。

魯肉飯迷路了

$148

🌗魯肉飯迷路了 $148 單點$88
與甜品手作店「月食。甜品研究所」推出限定蛋糕款式，底層係金鑽鳳梨蛋糕批底，淋上長時間烹調嘅焦糖鳳梨醬，旁邊灑滿米通，就咁睇真係分唔出邊一碗係甜品，而真相係甜品係比魯肉飯更似魯肉飯嘅魯肉飯‼️
鹹嘅魯肉飯好似得好少魯肉，顏色亦比較淺，但其實食落味道又夠架喎，味道適中唔會過鹹，油潤感充足又唔會過油👍🏻。

台中大甲芋泥卷

$45

🌗台中大甲芋泥卷 $45
好足料！綿密芋泥之間仲有芋頭粒，好香芋頭味，同時仲好飽！外層蛋糕其實已經幾濕潤，但芋泥真係好堅挺好實在，所以入口較乾，如果芋泥可以soft 返少少會好d。

黑糖冬瓜茶拿鐵

$65

🌗［有趣的咖啡］黑糖冬瓜茶拿鐵 $65
又試新野！今次唔算伏喎，味道唔會唔夾，咖啡同奶味之中又帶點甜，甜中又帶點冬瓜茶味，good try👍🏻。

脆焦糖卡布奇諾

$50

🌗［有趣的咖啡］脆焦糖卡布奇諾 $50
面層焦糖都幾厚，食細細粒就已經好甜🤭。要食晒成層脆焦糖有一定難度，都係放棄算吧啦😛

餐點偏貴🤑，但勝在有創意環境又舒服，留意番用餐時間係90分鐘，記得喺限時內盡情享受休閒時光。