影片
更多
2022-10-16
82 瀏覽
細細個成日聽爺爺講食「一盅兩件」，大d就聽到爸媽話去「飲茶」，粵語真係博大精深，其實大家都係去食「點心」。以前食點心係要去酒樓，依家食點心係便利店都買到，證明點心市場一直有需求，但講到質素真係比較參差，近年發覺酒樓點心味道同質素都每況越下，連每個禮拜日出去「飲茶」嘅爸媽都唔去啦……放工經過灣仔見到門口有間搶眼大招牌寫住「龍點心」，入去八卦睇下Menu，店員話佢地新開張係一間新派點心專門店，鍾意試新嘢嘅Venus 就坐低試下坐低睇緊Menu期間店員話新舖開張，每枱贈送：驢打滾+ 紫薯山藥糕，中式甜點加上葉片、白碟造型滿分！一放低就即刻試下味，食落真係好有質素！驢打滾係糯米包住紅豆餡，外層沾滿黃豆粉，入口香甜煙韌；紫薯山藥糕軟糯香甜，淡淡紫薯香。兩款甜品唔止睇得，仲好好味！睇Menu都食慾大增，排版美觀，大大幅圖展示點心，價錢都一清二楚龍餃子 $42一籠四款點心： 筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃，啱哂每款都想試下味嘅客人，加上點心好精緻，未食都有視覺享受懷舊燒賣 $36燒賣唔係用肥豬肉製成，蝦同豬肉切粒平均分配，口感彈牙長腳蟹肉燒賣(兩粒) $68長腳蟹肉保留到海
放工經過灣仔見到門口有間搶眼大招牌寫住「龍點心」，入去八卦睇下Menu，店員話佢地新開張係一間新派點心專門店，鍾意試新嘢嘅Venus 就坐低試下
坐低睇緊Menu期間店員話新舖開張，每枱贈送：驢打滾+ 紫薯山藥糕，中式甜點加上葉片、白碟造型滿分！一放低就即刻試下味，食落真係好有質素！驢打滾係糯米包住紅豆餡，外層沾滿黃豆粉，入口香甜煙韌；紫薯山藥糕軟糯香甜，淡淡紫薯香。兩款甜品唔止睇得，仲好好味！
睇Menu都食慾大增，排版美觀，大大幅圖展示點心，價錢都一清二楚
龍餃子 $42
一籠四款點心： 筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃，啱哂每款都想試下味嘅客人，加上點心好精緻，未食都有視覺享受
懷舊燒賣 $36
燒賣唔係用肥豬肉製成，蝦同豬肉切粒平均分配，口感彈牙
長腳蟹肉燒賣(兩粒) $68
長腳蟹肉保留到海水鮮味，同燒賣出奇到夾，濃濃蟹肉味提升燒賣味道
筍尖蝦餃皇 $36
薄皮包裹着大大蝦肉，望見都流口水，啖啖爽口蝦肉，蝦餃迷必試
蟹粉菠菜香蝦餃 $56
有蟹粉鋪面食落比蝦餃多一份鹹味，淡淡菠菜味增加清新感
松露野菌晶瑩餃 $36
藍色食物好少見，點心更加係第一次，入面係黑松露+野生菌+粟米粒好有口感
黃椒醬排骨 $36
即叫即蒸所以要等d時間，本身驚黃椒好辣，原來都唔辣，反而幾惹味，排骨好嫩咬滑，另外用秀珍菇鋪底相當入味，仲無全港首創黃椒醬配嫩排骨
大澳蝦醬鮮魷卷 $48
脆脆網皮外層，魷魚夾雜好香蝦醬味，鹹點必試
豆腐布丁 $22
由器皿到味道都好高質，小小一款甜品睇得出用心製作，軟綿綿口感帶出淡淡豆腐味
龍點心（灣仔全新分店）
地址：灣仔軒尼詩道216-218號地下A&B鋪
電話： 23382318
營業時間：07:00 - 00:00
張貼
