同男朋友黎開鰂魚涌呢邊做d野～
諗住搵間平平地既茶餐廳/冰室食晚飯🥢
咁岩就見到地鐵站A出口附近有樓下冰室🤩
之前都食過荃灣分店既樓下冰室！
有我最愛既蕃茄通心粉+瑞士雞翼🥰🥰
決定要入去回味一下😋
餐廳既裝修好有懷舊感覺🙌🏼
環境乾淨企理，食得安心😊
❥ 特色蕃茄濃湯通粉配牛乳炒蛋 配招牌瑞士雞翼 $59
真心推介呢度既蕃茄通粉🍅
未食落口 已經聞到好香蕃茄味❤️
湯底味道濃郁 仲有唔少茄肉可以咬下
加入左滑嘟嘟既蛋 整體口感好豐富！
至於瑞士雞翼，個汁真係做的好出色👏👏
甜甜地，味道又夠濃郁😊
雞肉嫩滑，仲啖啖肉添，好正🤩
❥ 自家製蔥花叉燒滑蛋飯 $59
份量超大！叉燒同滑蛋鋪滿成個飯🤣
半肥瘦叉燒，甜而夠滑😍
撈埋甜豉油，好好食😋
❥ 炸雞翼(3隻）$42
食完瑞士雞翼唔夠喉，所以叫多3隻炸雞翼🤭
估唔到三隻都係大大隻雞全翼😍
上枱時好新鮮熱辣，外皮炸得夠香脆👍🏻
雞肉嫩滑多汁🫶🏼
❥ 火腿奄列配丹麥多士 $37
奄列切開有好多火腿，好足料👍🏻
滑蛋係流心，好滑好好味😋🧡
丹麥多士厚身，有滿滿既牛油🧈邪惡！
❥ 凍檸七 +$14
❥ 熱檸檬蜜 +$10
