火五越式牛肉粉專門店 (其昌樓)

營業中

休息中

食火車頭牛肉粉，生/熟牛肉係和牛就聽得多，和牛牛丸真係第一次聽😮。火五火車頭牛肉粉 $62火車頭牛肉粉湯底濃郁得黎夾雜少少酸味，同一般食開嘅稍有不同，配料、牛筋同埋扎肉。牛筋爽身而非軟淋；牛丸牛味重而多汁，仲有粒粒爽口牛筋混雜其中，越式花膠老雞湯檬 $56湯底清澈淡口，花膠雖然薄身但份量都算多，不過雞肉唔夠嫩滑。黃金脆魚皮 $32魚皮厚身香脆，食到鹹蛋黃顆粒嘅質感，美中不足係鹹蛋較稀掛唔到上魚皮度，所以唔夠味🙈。星洲黃金蝦球（5件） $48蝦球彈牙，外面只係一層薄薄脆漿，唔會喧賓奪主，相當香口。