影片
更多
2017-11-20
313 瀏覽
1109 是我最重視既日子，它不是我的生日 也不是先生同gogo 既生日 而它是我們的結婚紀念日，轉眼間已經搭入第四年 由二人行直到上年既三人行開始 或者我可以唔重視我地既生日，但係紀念日我認為點都要食好d 本身一路好想去去酒店食自助餐，因為頭三年都.... 不過諗起gogo 可能要讀書既N班費又停一停 突然同朋友閒談間講起唔知食咩好， 朋友講左句自助餐，不如今次食放題， 又唔怕老公唔夠飽，又多野食揀，重點平日都唔會點貴] 一句即時令我叮一聲呀!! 由於當日係平日，第二日又要開工, 就搵間近近地既夜題食 今次朋友就推介左荃灣既大井町 佢位於大鴻輝中心既三樓 如果有去開呢座大廈食野既朋友都知 佢地等Lift 係何等痛苦既事 不過今次食就唔洗受呢個苦同時... 只要上三條電梯就可以啦 也許我地當日有bb 車，所以店員就安排我地坐比較 近大門入口位置，不過餐廳就足足係成層咁大 聽佢叫飛都有分A,B,C區 當坐底無耐，我地就叫左第一轉既食物 係我地既立場就係每場試少少，岩食先再叫 唔係第一輪已經食到飽曬都未叫到第二輪 叫完野食，就可以出去自助Bar 拎飲品啦 佢地都好多元化，汽水啤酒不在講
1109 是我最重視既日子，它不是我的生日
也不是先生同gogo 既生日
而它是我們的結婚紀念日，轉眼間已經搭入第四年
由二人行直到上年既三人行開始
或者我可以唔重視我地既生日，但係紀念日我認為點都要食好d
本身一路好想去去酒店食自助餐，因為頭三年都....
不過諗起gogo 可能要讀書既N班費又停一停
突然同朋友閒談間講起唔知食咩好，
朋友講左句[係曼谷食過酒店自助餐，不如今次食放題，
又唔怕老公唔夠飽，又多野食揀，重點平日都唔會點貴]
一句即時令我叮一聲呀!!
由於當日係平日，第二日又要開工,
就搵間近近地既夜題食
今次朋友就推介左荃灣既大井町
佢位於大鴻輝中心既三樓
如果有去開呢座大廈食野既朋友都知
佢地等Lift 係何等痛苦既事
不過今次食就唔洗受呢個苦同時...
只要上三條電梯就可以啦
也許我地當日有bb 車，所以店員就安排我地坐比較
近大門入口位置，不過餐廳就足足係成層咁大
聽佢叫飛都有分A,B,C區
當坐底無耐，我地就叫左第一轉既食物
係我地既立場就係每場試少少，岩食先再叫
唔係第一輪已經食到飽曬都未叫到第二輪
叫完野食，就可以出去自助Bar 拎飲品啦
佢地都好多元化，汽水啤酒不在講
仲有一些韓國飲品同埋檸檬菊花茶等等之如
仲有熱水同玄米茶，即使同老人家黎食都冇問題
除左飲品之外，仲有一些甜品同埋沙津菜
仲有一些日底既前菜，D野食未到之前都可以拎D食住先
不過當我簡單地影左幾張相之後，食品已經到左啦
比大家望下先，首先有刺身併盤
睇落都係幾新鮮，不過刺身就比較細塊D
不過蝦類刺身就麻麻地左D 啦
而第二輪刺身，吞羅就會有少許太冰既感覺
三文魚就有點根，比較爛咬開啦
仲有一些既創意料理，
和牛卷同青瓜鰻魚反卷
仲有水晶芒果大蝦卷同章紅魚刺身
章紅魚刺身比較好食一點
另外，平時我地食放題一定未必點
因為覺得食多兩舊就飽曬，但係係呢一間既壽司細細件
又唔會食完好飽肚，但都幾好味wor
當然少不了叫少少炸物啦，包括有芝麻雞翼
炸年糕同埋炸魚柳，認真的雞翼同炸年糕都好好食
魚柳真係比較偏乾
年糕唔會好濟，不過一件起兩件止真係夠啦
雞翼就真係岩岩炸起好好味,外表好脆卜卜
肉質既夠曬嫩，不過真係少食多滋味
仲有一個榴槤炸彈,如果你係榴槤控就一定必點
好重榴槤味架!你係榴槤抵一定必愛
最後又點少得燒物先得架，燒牛脷是我必點既食品
仲有燒羊架，仲有牛柳粒同雞肉串
認真係黎食之前，我真係有睇過其他既食評
好多人都話燒牛脷同牛柳粒係好乾好難食
不過我地今次都ok wor，起碼好乾呢個問題唔存在
牛脷都燒得好好，唔會好咸
羊架就唔會太"銀"整體都不錯
真的要推介，必食燒菠蘿!!!
好好食架，由其食完炸物之後再食呢燒菠蘿
好解油濟感，必點!!!
最後真係要講一下甜品方面
係入座之前其他會比定一張甜品紙大家
呢個雪糕就唔係任食既，所以我要建議係Last Call 個陣落埋啦
呢個Mövenpick雪糕和Dreyer's 雪糕批可以揀
不過小妹就揀左我地既最愛Mövenpick雪糕
朱古力味Is the Best!!!
張貼
